Luke 2:34 - Lubuagan Kalinga

³⁴ Ot bilinchisyulan Simeon chicha ot kalala kan Mary un ilan Jesus, “Ha allaʼn alaklu, chilutukan Apudyus siya ked gapu si suysuɏula machusa cha achu un galak Israel, ngim achu bo cha matagu. Gapu ta achipun cha tuttuwaon siya un imbuun Apudyus, achu cha taguʼn mallawing kan siya.

Luke 2:34 ပူးပေါင်းရင်းမြစ်များ

Matthew 11:19

Ked Sakon un Alak chi Tagu, ummaliyak lakakan kan chikayu ya lakain-ilumak kan chikayu, ngim kalanyu un, ‘Ilanyu ked siya un bukallu ya kabubuuk ya kadwan cha manchachagup si bugis ya cha malagbyasuɏ!’ Ngim ulay lu siya kalanyu, ha ustu-ustuʼn kilasilib Apudyus ked maila si biyeg cha lasilib un tagu.”

Matthew 12:46

Lan-ugu-ugud si Jesus kan cha amod un tagu si gummatngan ilala ya cha susuludlaʼn leɏaki. Illinggewchaʼd paway ti pionchaʼn makaugud kan siya.

Matthew 21:44

Mipanggop si hachiʼn byetu, lu awed maodcheg si hachiʼn byetu, mamokmokcha. Ked lu awed mituklugen chi hachiʼn byetu, magabuk.”

Matthew 27:63

Ot kalancha, “Apu, masmasmokmi si katattagun chi lait un mangallilaw, un imbyegala, ‘Lu lumaus chi tiɏuʼn eɏgew, umuliyak matagu kasin.’

Luke 2:35

Ked hachi in-ilon cha lalimod un lawwik un somsomokchaʼn mipakaammu. Ked sika un ilala, manchachauyka, un isun chi machuut chi pusum gapu si makwa kan siya.”

John 3:20

Ti lu silu mangwa si lawwing, sangaola padcha ya achipun umoy si padcha ti issalaʼn mipaila cha byasuɏla.

John 5:18

Imbyegala pu alla, laam-amod chi mulit cha papangat cha Judio un mangtoy kan Jesus. Ti chakampun abus chi laluplingala si lintog mipanggop si Sabyechuʼn man-illongan, ngim ha langiyisuwala si long-egla kan Apudyus si langibyeg-alaʼn Apudyus chi Amala.

Acts 13:45

Ngim intullong pun cha Judio cha amo-amod un tagu, ummaposcha ot ilisikcha pin-an Paul uguchon ya lan-ugu-uguchencha bo siya.

Acts 17:6

Ngim achipuncha pun chicha maochesan, giluyudcha si Jason ya cha uchum un mamati ot illiyoycha kan cha papangat si siudad, ot ipakupakuycha un, “Cha allaʼn tagu langgulugulucha si ili-ili ked allachà utlaʼn siudad taku.

Acts 24:5

“Inchesanmi allaʼn tagu un kagugulu, ti pin-a ummoy langgulu kan cha Judio si intilun chi lubung, ked siya bo osaʼn pangat chi grupun chi Nazarenes.

Acts 28:22

Ngim ammumi un pepewingon cha tagu si ili-ili cha kakadwam un sumuysuɏut kan Jesus, ked pionmi un chongɏon chi kasomsomkam.”

Acts 4:26

Lachagup ya lansagala cha Ari ya cha papangat utla lubung un bumusuɏ kan Apudyus ya Messias un chilutukala, simma makwacha?’

Acts 6:7

Hachi ked, lituɏutuɏuy un lanchilongeɏ ugud Apudyus ya ummachu-achu cha bilang cha mamatiʼd Jerusalem. Inggew bo cha achuʼn papachi un tiluttuwacha si Apudyus si lamatiyancha kan Jesus.

Romans 9:32

Puggey? Gapu ta siyad suɏutoncha lintog un mangibilangan Apudyus kan chicha lalintog, chakampun un gapu si pammaticha kan Jesus, ngim gapu si killingwacha. Ked lisabyangtucha si byetu un misabyangtuwan cha tagu.

1 Corinthians 1:23

Ngim siyad ibyegbyegami latoyan Kristu si krus. Ked cha Judio, sasangngaonchaʼn chongɏon, ked cha Gentil, lappun simbila kan chicha.

Hebrews 7:1

Si Melchizedek, siya Ari ud Salem si awi ya osaʼn pachin Apudyus un Kangatuwan. Si langulilan Abraham un ummoy lakagubyat ot ilabyakla cha opat un Ari, ilabot Melchizedek siya ot binchisyulala.

Hebrews 7:7

Ked lappun chuwa-chuwalan ha taguʼn mambinchisyun ked langatngatu lu ha taguʼn binchisyulala.

1 Peter 4:14

Pian kayu lu mibibiin kayu gapu si pammatiyu kan Kristu, ti inggew kan chikayu chi machayaw un Ispiritun Apudyus.