Luke 2:27 - Lubuagan Kalinga

²⁷ Ot impuyutla si Simeon si templo. Ot hachi bo timpu un illok cha Joseph si Jesus si templo ta matungpeɏ chi lintog mipanggop si liyalakala.

Luke 2:27 ပူးပေါင်းရင်းမြစ်များ

Matthew 4:1

Oli pun impuyut chi Ispiritun Apudyus si Jesus si lugeɏʼn lappun ummili ta udchi malubsubyen Satalas kan siya.

Luke 2:22

Chillumtong pu timpu un malungpaɏan cha Mary kan Joseph si lintog un inggilin Moses mipanggop si machuɏsan chi byebyai un lagamput ummalak. Ot ummoycha si templo ud Jerusalem un manchatun kan Apudyus si chuwaʼn kalapati willu chuwaʼn ubbu ti siya liigili si lintog. Inyawitcha bo si Jesus ta umoycha ipeɏang siya kan Apudyus ti siya bo liigili si lintog Apudyus un kalala, “Ha panguɏuʼn alak un leɏaki ked masapuɏʼn ipeɏang kan Apudyus.”

Luke 2:28

Intullong pun Simeon chi alak, ilaklila siya ot lanyaman kan Apudyus, un kalala,

Luke 2:41

Tilawon, un cha sin-alak kan Jesus pin-acha umoy ud Jerusalem makapiyasta si Piyastan chi Lallausan.

Luke 2:48

Laschaaw bo cha amala kan ilala si intullongcha siya, ot kalan ilala, “Alakku, amod chi chalegmi kan amam un langlangngit kan sika. Puggey koon chi katchi kan chikami?”

Luke 2:51

Hachi ked, litun-ud si Jesus kan chichaʼn langulin ud Nazareth, ot tummuttuwa kan cha losan un pakwacha. Si ilala simsimsimmokla losan un laklakwa.

Luke 4:1

Labunyagen pun si Jesus, tilelala hachiʼn chewwang un Jordan. Ot ha Ispiritun Apudyus un inggew kan siya, impuyutla siya si lugeɏʼn lappun ummili.

Acts 10:19

Sissiya un somsomsomkon Peter lu simma pion chi impailan Apudyus kan siya un uguchon, ot kalan chi Ispiritu kan siya, “Peter, awed cha tiɏuʼn leɏakiʼn mangmangngit kan sika.

Acts 11:12

Ot imbyegan chi Ispiritun Apudyus kan sakon un mitun-uchak kan chicha un achipulak manchuwachuwa. Kiladwaalak kan cha olom un mamatiʼn iJoppa ot ummoy kami ud Caesarea. Gummatong kami pun udchi, lilumlok kami ud byeɏoy cha Cornelius.

Acts 16:7

Gummatongcha pun si kiged chi Mysia un probinsiya, umoycha oyya ud Bithynia, ngim achipun chi Ispiritun Jesus impalubus chicha.

Acts 8:29

Kalan chi Ispiritun Apudyus kan Philip, “Ingka achaliyon chi kalisa.”

Galatians 4:4

Ngim gummatong pu ustuʼn timpu un inkodchong Apudyus, imbuunla alakla si allaʼn pita ked lambyalin tagu un inyalak chi osaʼn byebyai. Liiyalak un Judio un tumuttuwa si lintog cha Judio

Revelation 1:10

Osaʼn Chuminggu un manchaychayawan kan Apudyus, awed chi impain-ilop chi Ispiritun Apudyus kan sakon, ked awed chi chingngeɏk un chakeɏʼn ginga un isun chi tangguyub un lituptup si ochogek.

Revelation 17:3

Oli ked tilingngeɏak si Ispiritun Apudyus ot illiyoyak si anghel si lugeɏʼn lappun ummili. Ot hachi langitullongak si osaʼn byebyai un langakabbyayu si mancheɏaeg un kaog-ogyat un ayam un pitu uɏula ya simpuɏu sakgudla. Ked ligili si losan un long-egla cha mangkaɏawing un ngachen un bumusuɏ kan Apudyus.