Luke 2:14 - Lubuagan Kalinga

¹⁴ “Machaychayaw si Apudyus ud langit. Pabiɏuwola somsomok cha losan un tagu utla pita un mampagalas kan siya.”

Luke 2:14 ပူးပေါင်းရင်းမြစ်များ

Matthew 21:9

Cha amod un taguʼn lamangpanguwon Jesus ya cha lituntun-ud kan siya inyip-ipkawcha kalan un, “Machaychayaw chi galak David! Pian siya un ummali un imbuun Apudyus! Machaychayaw si Apudyus un Kangatuwan!”

Luke 1:79

Ked lu gumatong, silawala cha hachiʼn inggew si gikbot ya cha hachiʼn umogyat un matoy, ked ipailala kan chicha ustuʼn ayoncha gapu ta mallin-awa somsomokcha.”

Luke 19:38

Ot kalancha, “Chayawon taku allaʼn Ari taku un lampeɏpu kan Apudyus! Gapu kan siya, lin-awa ud langit ya machaychayaw si Apudyus.”

Luke 2:13

Ot kakma lampaila cha achu-achun anghel ud langit ot lichogacha si ummulaʼn anghel, ot chilaychayawcha si Apudyus, un kalancha,

Luke 2:15

Ummoyon pun cha angheles langulin ud langit, lan-uugud cha man-aayyuwan un kalancha, “Intakuʼd Bethlehem itullong chi hachiʼn lakwa un impakaammun Apudyus kan chitaku.”

Luke 3:22

Ot ha Ispiritun Apudyus lan-osog ot lallap-oy kan siya un isun chi kalapati. Ot ladngeɏ ginga un lampeɏpuʼd langit un kalala, “Sika Alakkuʼn tagtagopok ya masmas-omak.”

John 14:27

“Telak kan chikayu chi mallin-awaan chi somsomokyu. Ked idchok kan chikayu lin-awa un mampeɏpu kan sakon. Chakampun un isun chi man-aatod cha tagu utla lubung chi man-aatodku kan chikayu. Achi kayu machalagen ya achi kayu malilibukan ya achi kayu umogyat.

John 17:4

Inchaychayawku sika kan cha tagu utla lubung ti gilamputku tilungpeɏ cha impakwam kan sakon.

John 3:16

Gapu si amod un man-aayat Apudyus kan cha tagu, illidchola ossaan un alakla ta lu silu mamati kan siya, achipun misila kan Apudyus ta machusa ngim maidchen si biyeg un mallalayun.

Acts 10:36

Ammuyu chi bibiɏuʼn chameg un illidchon Apudyus kan cha Israel, si langibyegbyeg-ala si lumin-awaan chi angos gapu kan Jesu Kristu un Apun cha losan un tagu.

Romans 5:1

Gapu ta ibilang chitaku kan Apudyus lalintog gapu si pammati taku kan Kristu, laidchen taku si lin-awa un makatimpuyug kan Apudyus gapu si killingwan Apu takuʼn Jesu Kristu.

Ephesians 1:6

Ked chaychayawon taku siya gapu si lakaskaschaaw un kachegula kan chitaku, un inchuyala alaklaʼn Jesu Kristu un tagtagopola.

Ephesians 1:9

Impatigammula kan chitaku planula un achipun lipakaammu si awi un simsimmoklaʼn matungpeɏ gapu kan Kristu.

Ephesians 2:4

Ngim si Apudyus, lappun miyisuwan chi ayatla kan chitaku, ya lappun bo miyisuwan chi manchechegula,

Ephesians 2:7

Killingwan Apudyus cha alla, ta siya mangipain-ala si amod un ayatla ya kachegula kan chitaku si ing-inggala gapu kan Jesu Kristu.

Philippians 2:11

ked losan cha tagu ibyega un si Jesu Kristu Ap-apun cha losan. Ked siya michayawan Ama takuʼn Apudyus.

Philippians 2:13

Inggew si Apudyus kan chikayu, ked siya mangatod si kabyeeɏanyu ya somsomokyu un mangwa si piola.

Colossians 1:20

Mipagapu kan Kristu, mantitimpuyugola kan siya cha losan un awed utla pita ya langit. Ked mipagapu si latoyan chi Alakla si krus un libukbukan chi chaɏala, kilaanla cha mampasila kan chicha.

2 Thessalonians 2:16

Iluwaluk kan Apu takuʼn Jesu Kristu ya Ama takuʼn Apudyus ta pakoskoscheɏoncha somsomokyu ya tuɏungan chikayu taplu pasig bibiɏu cha losan un koonyu ya ibyegayu. Impailan Apudyus chi ayatla kan chitaku, ya mipagapu si kachegula langidchela si masegagen taku un lappun kigedla ya ha bibiɏuʼn lamlama taku.

Revelation 5:13

Oli ked chingngeɏk bo langkankantaan cha losan un parsua, un inggew ud langit ya utla pita, ya losan un inggew si byeybyey, ya cha losan un inggew si awechen cha langkakatoy. Ked losancha mangkankanta un kalancha, “Kan sika un ummaammuy un Ari ya hachiʼn Keɏlilu, machaychayawcha si ing-inggala ya mibyegabyega kilabiɏucha ya kilangatucha ya pallakabyelincha si ing-inggala.”