Luke 2:11 - Lubuagan Kalinga

¹¹ Si salaʼn labi, si ilin David ud Bethlehem, liyalak chi Malagu kan cha tagu. Siya si Kristu un Apu!

Luke 2:11 ပူးပေါင်းရင်းမြစ်များ

Matthew 1:16

Si Jacob chi aman Joseph, un asawan Mary un langiyalak kan Jesus un ngadloncha Kristu.

Matthew 1:21

Iyalakla leɏaki ked ngadlonyu siya Jesus, ti siya Malagu kan cha tagula kan cha byasbyasuɏcha.”

Matthew 16:16

Summongbyat si Simon Peter un kalala, “Sika Kristu, un Alak chi matattagu un Apudyus.”

Matthew 16:20

Oli pun bililin Jesus cha disipulusla ta achipuncha ibyegbyega si ulay siluʼn tagu un siya Kristu.

Luke 1:43

Ot kalala bo, “Himmaga kilatataguk un geggakayolak gey si ilan chi Apu taku?

Luke 1:69

Impaloswala Mallakabyelin un Malagu kan chitaku, siya galak chi bubùulolaʼn si Ari David.

Luke 2:26

Ot impakaammula kan Simeon un achipun matoy inggala mitullongla Kristu, un ingkarin Apudyus un umali.

Luke 2:4

Ot si Joseph un iNazareth, si ili ud Galilee, ummoy lampalista ud Bethlehem un ili ud Judea ti siya liyalakan Ari David un apula.

John 1:41

Ot chilecheɏaslan langngit kan Simon un suludla ot imbyegala kan siya, “Inchesanmi Messias!” (Piolaʼn uguchon, Kristu).

John 1:45

Inchesan Philip si Nathanael ot kalala kan siya, “Inchesanmi taguʼn imbyegan Moses si lintog ya cha propeta. Siya si Jesus un alak Joseph un iNazareth.”

John 11:27

Summongbyat si Martha, “O Apu, mamatiyak un sika si Kristu un Alak Apudyus un ummali utla lubung.”

John 20:31

Ngim liigili cha laoy taplu mamati kayu un si Jesus chi Kristu un Alak Apudyus. Ked lu mamati kayu, matatagu kayu ing-inggala gapu si litimpuyugenyu kan siya.

John 4:25

Ot kalan chi byebyai kan siya, “Ammuk un umali chi Messias un kalanchaʼn Kristu. Lu umali, ipakaawatla cha losan kan chitaku.”

John 4:42

Ot kalancha si byebyai, “Mamati kami si sala, chakampun si mipagapu si imbyegam ngim chingngeɏmi mismu cha intudtuchula ked ammumi un siya tuttuwaʼn Malagu kan cha tagu utla lubung.”

John 6:69

Ked chikami, mamati kami kan ammumi un sika chi Lasantuwan un lampeɏpu kan Apudyus.”

John 7:41

Kalan cha uchum, “Siya si Kristu!” Ngim kalan cha uchum, “Chakampun un mampeɏpu Kristu ud Galilee!

Acts 10:36

Ammuyu chi bibiɏuʼn chameg un illidchon Apudyus kan cha Israel, si langibyegbyeg-ala si lumin-awaan chi angos gapu kan Jesu Kristu un Apun cha losan un tagu.

Acts 13:23

Si David chi singgalak kan Jesus un imbuun Apudyus ta siya Malagu kan chitaku un galak Israel, un siya ingkarila.

Acts 17:3

Impakaawatla ya pilaloklokala un masapuɏʼn mapaligatan si Kristu ya matoy ked umuli matagu kasin. Kalala, “Ha allaʼn Jesus un pin-ak ibyegbyega kan chikayu, ked siya Kristu.”

Acts 2:36

Siya ipakaammuk kan chikayuʼn galak Israel, si Jesus un illansayu si krus, siya gettok un chilutukan Apudyus un Apu ya Messias.”

Acts 5:31

ot impangatula siya si machuwalanla ta siya Pangat ya Malagu, taplu idchela cha taguʼd Israel si wayachaʼn mambyabyawi kan cha byasuɏcha ked mapakawancha.

1 Corinthians 15:47

Ha ummulaʼn tagu un Adam, lampeɏpu si pita. Ngim ha mikadwaʼn Adam, langit chi lampeɏpuwala.

Philippians 2:11

ked losan cha tagu ibyega un si Jesu Kristu Ap-apun cha losan. Ked siya michayawan Ama takuʼn Apudyus.

Philippians 3:8

Ya chakampun un abus cha hachi, ngim imbilangku bo chicha losan un lappun simbila gapu ta laammuwak si Jesu Kristu un Apuk. Hachi lapotpotog! Ked mipagapu kan siya, tilelak losan cha hachi ot imbilangkuʼn kaisaw losan cha lapotog kan sakon si sin-eɏgew, taplu ammuwok un ustu-ustu si Kristu

Colossians 2:6

Gapu ta ilawatyu si Jesu Kristu un man-Apuyu, masapuɏʼn ituɏuyyu suɏuton chi kabibiyeg un miyapot si taguʼn litimpuyug kan siya.

1 John 4:14

Ked chikami, intullongmi si Jesus kan sistiguwanmi un imbuun Apudyus chi Alakla utla pita ta siya Malagu kan cha tagu.

1 John 5:1

Cha losan un mamati un si Jesus chi Kristu un imbuun Apudyus utla pita, ked alak Apudyus. Ked lu silu mangay-ayat si Ama, ay-ayatola bo aalak chi Ama.