Luke 19:9 - Lubuagan Kalinga

⁹ Kalan Jesus kan siya, “Si salaʼn eɏgew taguwon Apudyus sika ya cha kabyeɏoylu, ti sika bo galak Abraham.

Luke 19:9 ပူးပေါင်းရင်းမြစ်များ

Luke 13:16

Ha allaʼn galak Abraham pilaligatan Satalas si simpuɏu ya waɏuʼn tawon ked lawwik kamman lu makaan chi sakitla si Sabyechu?”

Luke 13:30

Somsomkonyu: cha taguʼn labyabya si sala, chicha ngumatu si umaliʼn timpu. Ngim cha taguʼn langatu si sala, chicha mipabyabya lu gumatong chi timpu.”

Luke 16:24

Ot lampokaw chi byaklang, ‘Ama Abraham! Kacheguwalak u ya ibuunlu si Lazarus ta ilusongla gammatla si chelum ked itodtodla si chilak ta matunglilan, ti allaʼn patungedku tilotoman chi atung chi allaʼn apuy!’

Luke 16:30

“Ot kalan chi byaklang, ‘Achipun umalay lait, ama Abraham! Ngim lu awed osà umuli matagu kan cha latoy un umoy mangibyega kan chicha, mambyabyawicha kan cha byasuɏcha.’

Luke 2:30

Ti intullongku siya un Malagu kan cha tagu,

Luke 3:8

Masapuɏʼn koonyu cha losan un mangipaila un tuttuwaʼn lambyabyawi kayu kan cha byasbyasuɏyu. Achiyu kalan un, gapu ta galak chikayu kan Abraham, milisiyu kachusaanyu kan Apudyus. Lappun katuttuwaan chi hachi. Ibyegak kan chikayu un makwaʼn mambyalilon Apudyus cha byetuʼn alla si galak Abraham.

Romans 4:16

Ked ha ingkarin Apudyus ked matungpeɏn abus chi tagu un mamati ta maibyaseɏ si kachegula kan cha losan un galak Abraham. Chakampun un para kan cha malungpeɏ si lintog abus, ngim cha mamati un isun chi pammatin Abraham. Ti siya laispirituan un ama taku losan.

Galatians 3:14

Ked kamatchi lakwa kan Jesu Kristu taplu makwa un awatonyu un Gentil cha ingkarin Apudyus kan Abraham, Ti si sala, lu mamati taku kan Jesu Kristu, umali Ispiritun Apudyus kan chitaku losan, ti siya ingkarila.

Galatians 3:29

Ked lu tagu chikayu kan Jesu Kristu, ulay lu Gentil kayu, mibilang kayu un tuttuwaʼn galak Abraham ya chikayu manginlaksun kan cha losan un ingkarin Apudyus kan Abraham.

Galatians 3:7

Ked maawatanyu otyan un cha taguʼn mamati kan Apudyus, chicha cha tuttuwaʼn galak Abraham.

1 Peter 2:10

“Si sin-eɏgew, chakampun un taguʼn Apudyus chikayu, ngim si sala lantagun Apudyus chikayu. Si sin-eɏgew, achipunyu ammu kachegun Apudyus, ngim si sala kilacheguwan chikayu.”