Luke 18:7 - Lubuagan Kalinga

⁷ Ha achipun kamman Apudyus tuɏungan cha chilutukalaʼn tagula un mangkadkachegu kan siya manchawat si ileɏgew ya lilabi? Ha achipunla kamman kakma tuɏungan chicha?

Luke 18:7 ပူးပေါင်းရင်းမြစ်များ

Matthew 24:22

Ked lu achipun Apudyus pilaagobbya cha hachiʼn eɏgew, lappun lin latagu kan cha tagu. Ngim gapu si kachegula kan cha losan un chilutukala, pilaagobbyala cha hachiʼn eɏgew.

Matthew 24:24

Ti lummoswa cha silan Kristu ya cha silan propeta, un singkalan un chicha kalu cha pililiyan Apudyus. Ked mangwacha si lakaskaschaaw ya sinyeɏʼn mangallilawcha kan cha tagu, ulay cha pililiyan Apudyus.

Matthew 7:11

Kan chikayuʼn malagbyasuɏ, lu ammuyuʼn mangatod si bibiɏu kan cha aalakyu, giluɏa bo Amayuʼd langit achi mangatod si bibiɏu kan cha losan un mangkochew kan siya.

Luke 11:13

Chikayuʼn malagbyasuɏ, lu ammuyuʼn mangtod si bibiɏu kan cha alakyu, kaguɏa bo kan Amayuʼd langit un mangàatod si bibiɏu! Ti siya idchola Ispiritun Apudyus kan cha losan un mangkochew kan siya.”

Luke 2:37

ot labyaɏu inggala si waɏumpuɏu ya opat chi tawonla. Illinggew si Anna si templo, eɏgewola kan lablabiyolaʼn manchaychayaw kan Apudyus ya malluwaluwalu kan siya ya sin-udchuman mallaun siya.

Luke 21:28

Lu mallugi cha allaʼn makwa, isikedyu cha pammatiyu ya pakoscheɏonyu cha somsomokyu ti chanchali malaguwan Apudyus kan chikayu.”

Romans 8:33

Ti lappun mamabyasuɏ kan chitaku un chilutukan Apudyus, ti siya mismuʼn langibilang kan chitaku lalintog.

Colossians 3:12

Gapu ta chilutukan Apudyus chikayu un tagula un ay-ayatola, masapuɏʼn ipailayu un malagchegu kayu, bibiɏu kayu, mallaay kayu, lapakumbyabya kayu, achi kayu mamaspasweɏ ya man-asiillalus kayu.

1 Thessalonians 3:10

Ked iluwaluwalumi si ileɏgew ya lilabi ta mantitillullong taku kasin taplu ipakaawatmi kan chikayu lu simma mangkuɏangan chi pammatiyu.

2 Thessalonians 1:6

Ked gapu ta lalintog chi mangkukuis Apudyus, paligatala cha mamaligat kan chikayu,

1 Timothy 5:5

Ngim cha labyaɏuʼn lappun mangasikasu kan chicha, si Apudyus abus chi lamlamaonchaʼn tumuɏung kan chicha, ked iluwaluwalucha si ileɏgew ya lilabi un manchawat si tuɏung Apudyus.

2 Timothy 1:3

Manyamalak kan Apudyus un mansimbiyak un mampeɏkas chi somsomokku, isun chi lansisimbin cha chachakkeɏk si awi. Manyamalak bo kan siya si mangikagasmokak mangiluwaluwan kan sika si ileɏgew ya lilabi.

2 Timothy 2:10

Ked maattomak cha losan, gapu kan cha taguʼn chilutukan Apudyus ta matatagucha mipagapu kan Jesu Kristu ya mallalayun un michayawan.

Titus 1:1

Sakon si Paul un mansimsimbi kan Apudyus ya apostoles Jesu Kristu. Imbuulak ta pakoscheɏok chi pammatin cha tagun Apudyus un chilutukala, ya tudtuchuwak chicha ta ammuwoncha katuttuwaan taplu laapudyusan chi mambibiyegcha,

1 Peter 1:1

Sakon si Peter un osaʼn apostoles Jesu Kristu. Allaya suɏatku kan chikayuʼn lachutukan un tagun Apudyus un liwaɏas kan cha ili-ili ud Pontus, Galatia, Cappadocia, Asia ya Bithynia.

2 Peter 3:9

Ked chakampun un meɏolot si Apudyus un mangwa si ingkarila un siya malomsomkan cha uchum. Ngim alu-alusala chikayu gapu ta issalaʼn awed mibyellu ulay ossaan, ti piolaʼn mambyabyawi otyan cha losan un tagu kan cha byasbyasuɏcha.

Revelation 18:20

Ngim chikayuʼn awed ud langit, gumalas kayu si layam-alala! Ya ulay chikayuʼn tagun Apudyus, apostolesla ya propetala, gumalas kayu bo losan ti imbyaɏos Apudyus cha killingwala kan chikayu si lalusaala si halat un ili!

Revelation 6:10

Ot impokawcha, “Apudyus un Mallakabyelin, lappun miyisuwan chi kilabiɏum ya kilatuttuwan cha imbyegam, awed imusonmi kan sika. Kam-amman chi manguisam kan cha taguʼn achipun mamati utla pita, ya malusaam kan chicha gapu si lamatoyancha kan chikami?”

Revelation 7:15

Ked ha awechencha si sangwalan Apudyus un umaammuy un Ari, ta mansimbicha kan siya si templola si ileɏgew ya lilabi. Ked si Apudyus un umaammuy un Ari, pasig iinggew un mangalikun kan chicha.