Luke 18:16 - Lubuagan Kalinga

¹⁶ Ngim ilayagen Jesus cha aalak ot kalala kan cha disipulusla, “Palubusanyu cha aalak un umali kan sakon. Achiyu ipalit chicha, ti cha katlaʼn aalak chicha cha mipati si Mampangatan Apudyus.

Luke 18:16 ပူးပေါင်းရင်းမြစ်များ

Matthew 19:14

Ngim kalan Jesus kan chicha, “Palubusanyu cha aalak un umali kan sakon. Achiyu ipalit chicha, ti cha katlaʼn aalak chicha cha mipati si Mampangatan Apudyus ud langit.”

Luke 18:15

Illinggew cha uchum un taguʼn langiyoy kan cha aalakcha kan Jesus ta ipatayla imala kan chicha. Ngim intullong pun cha disipulusla, ilomɏancha chicha.

Luke 18:17

Somsomkonyu lu silu achipun umawat si Mampangatan Apudyus un isun chi mangawatala si osaʼn alak, achipun makwaʼn mipati udchi.”

Acts 2:39

Ti hachi ingkarin Apudyus un idchola kan chikayu ya cha galakyu ya cha tagu si adchayuwan un ili un pililiyalan mantagula.”

1 Corinthians 14:20

Susulud, achiyu otyan iyisu mansosomsomokyu kan cha aalak. Ngim lu mipanggop si mangwaanyu si lawwing, hachi otyan chi asiyu man-al-allakan un isun chi lappun ammula, ngim ha mansosomsomokyu, ikamayu otyan si somsomok chi laangsan.

1 Corinthians 7:14

Ked ulay achipun lamati leɏakiʼn asawan chi osa, ibilang Apudyus siya un lapapeɏkas gapu si pammatin asawala. Lu chakampun un katchi, ha aalakcha, isucha cha aalak cha achipun mamati. Ngim ha katuttuwaan, imbilang bo Apudyus chicha si sala un aalak cha mamati.

1 Peter 2:2

Isuyu kàiyalak un piolaʼn sumusususu, kamatchi otyan chi mallalayedyu un mangad-acheɏ si ugud Apudyus ta kumoscheɏ pammatiyu ya matatagu kayu ing-inggala.