Luke 18:12 - Lubuagan Kalinga

¹² Ti sakon, mamidwaak mallaun si sinchuminggu ya mangmangtochak si ingkasimpuɏun cha losan un labbuk.’

Luke 18:12 ပူးပေါင်းရင်းမြစ်များ

Matthew 5:20

Ti ibyegak kan chikayu, un achipun kayu mipati si Mampangatan Apudyus lu achipun kayu lalinlintog lu cha Pariseo ya cha mimistulun chi lintog.”

Matthew 6:1

Intuɏuy Jesus lantudtuchu un kalala, “Allachenyu ta achiyu ipappaila kan cha tagu lu mangwa kayu si bibiɏu, ti lu siya mangwaanyu pionyuʼn ichayaw chikayu kan cha tagu, achipun chikayu gunggulaan kan Amayuʼd langit.

Matthew 6:16

Ot intuɏuy Jesus, “Lu mallaun kayu mipagapu si malluwaluwanyu, achi kayu aginchachauy un isun cha aginpapati. Ti pionchaʼn ipaila kan cha taguʼn lallaunchaʼn malluwalu. Ibyegak chi tuttuwa kan chikayu, gilamputcha ilawat chi gunggulacha.

Matthew 6:5

“Ked lu malluwalu kayu, achiyu iyis-isu kan cha aginpapati ti pionchaʼn isiked un malluwalu si sinagoga ya cha igid cha kekkesa ta itullong cha tagu chicha. Tuttuwa ibyegak kan chikayu, lagamputcha ilawat chi gunggulacha.

Matthew 9:14

Oli pun ummoy cha disipulus John un Mambubunyeg lakaimus kan Jesus, “Puggey un chikami ya cha Pariseo, mangankallayun kami mallaun, ngim cha disipuluslu achipuncha mallaun?”

Luke 11:42

“Kadchegu kayuʼn Pariseo! Ti mangtod kayu si ingkasimpuɏun chi apityuʼn latlatung un mampalamlaw si makan un isun cha minta, ruda ya uchum. Ngim ilissanyu kilalintog ya achipunyu ay-ayaton si Apudyus. Masapuɏn koonyu cha laoy ked achiyu liwatan cha uchum un lapotpotog.

Luke 17:10

Isula bo kan chikayu. Lu tiluttuwayu losan cha imbilin Apudyus kan chikayu, achipunyu kalan un, ‘Bubùulon chikami laing, kingwami biyangmi.’ ”

Romans 3:27

Ked himma makwa un ipaspasweɏ taku? Lappun! Chakampun un siyad ipasweɏ taku malungpaɏan taku si lintog, ti gapu si pammati.

1 Corinthians 1:29

Taplu lappun tagu si mamaspasweɏ si sangwalan Apudyus.

1 Timothy 4:8

Alla simbin chi mampakoscheɏan taku si long-eg takuʼn mangwa kan cha koon, ngim simbumaɏu lu pakoscheɏon taku laapudyusan un palagsimbi kan Apudyus, ti likari si salaʼn biyeg taku ya biyeg taku si umaliʼn eɏgew.