Luke 17:6 - Lubuagan Kalinga

⁶ Summongbyat si Jesus, “Lu awed pammatiyu un isun chi kapaat un bukeɏn chi mustasa, makwaʼn kalanyu si allaʼn kayuʼn sikamuru, ‘Mabyagutka ked limuɏaka si byeybyey.’ Ked tuttuwaon chikayu.”

Luke 17:6 ပူးပေါင်းရင်းမြစ်များ

Matthew 14:29

Kalan Jesus, “Umalika.” Ot lummogsed si Peter si byangka ot illugilan malidchaɏan si lap-at chi chelum un umoy kan Jesus.

Matthew 17:20

Ot kalan Jesus kan chicha, “Simman ti kuɏang chi pammatiyu. Tuttuwa ibyegak kan chikayu, lu awed akit si pammatiyu un isun chi kapaat chi bukeɏn chi mustasa, makwaʼn kalanyu si bilig allaʼn, ‘Man-atunka u si anchiya,’ ked tuttuwaʼn man-atun. Ti lappun achi makwa kan chikayu!

Matthew 21:21

Ot kalan Jesus kan chicha, “Tuttuwa ibyegak kan chikayu, lu mamati kayu kan Apudyus ya achipun kayu manchuwachuwa, makwaʼn koonyu isun chi killingwak si kayuʼn alla. Chakampun abus hachi ngim makwa boʼn kalanyu si bilig alla, ‘Umopwaska ked man-atunka si byeybyey,’ ked tuttuwaʼn makwa.

Mark 4:31

Isun chi bukeɏn chi mustasa, siya kabyen-itan un bukeɏ un imuɏan chi tagu si pita.

Mark 9:23

Kalan Jesus kan siya, “Puggey ibyega, lu makwam? Makwa losan chi koon chi tagu lu mamati.”

Luke 13:19

Isun chi bukeɏn chi mustasa un immuɏan chi osaʼn tagu si umala. Chummakeɏ hachiʼn bukeɏ ot kummayu ot ummoy cha sissiwit malukbutan chi pangala.”

Luke 17:7

Intuɏuy Jesus un lan-ugud, kalala, “Lu awed osa kan chikayu awed bubùulolaʼn manchelok willu man-ayyuwan si keɏlilu ked lu gumatong si byeɏoylu un lampeɏpu si payaw, ha kalam kamman kan siya, ‘Chesom ta manganka?’

Luke 19:4

Ot ummun-ula lalodchak ot summakay si kayun sycamore ta itullongla si Jesus lu lumaus.

Luke 7:13

Intullong pun Jesus chi labyaɏu, kilacheguwala siya ot kalala, “Achika man-ibi-ibin.”

Luke 7:19

ot imbuunla chicha ta umoycha imuson kan Apu Jesus, “Sika kamma hachiʼn ingkarin Apudyus un umali willu man-uway kamì sabyali?”

1 Corinthians 13:2

Ked ulay lu kabyeeɏak un mangibyegbyega si ugud Apudyus willu maawatak cha losan un somsomok Apudyus, ya ulay lu mangkoscheɏ pammatik un makwak un iyatun chi bilig si luwaluk, ngim lu lappun ayatku, lappun simsimbik.