Luke 17:30 - Lubuagan Kalinga

³⁰ “Kamatchi bo makwa si eɏgew lu mangulin mampaila chi Alak chi Tagu.

Luke 17:30 ပူးပေါင်းရင်းမြစ်များ

Matthew 16:27

Ti Sakon un Alak chi Tagu, mangulilak un mibiɏun cha aangheles ya ipailak chi kilachayaw Amak. Ked gunggulaak kacha tagu si cha losan un killingwala.

Matthew 24:3

Lapalos pun, ummoy cha Jesus ud Bilig Olivo ot ummamuy siya. Ummoy cha disipulusla kan siya un lappun uchum ot ilimuscha kan siya, “Ibyegam u kan chikami lu kam-amman chi makwaan chi hachiʼn imbyegam, ked simma mangilasilanmi si umaliyam ya alungus chi lubung?”

Matthew 24:37

Sakon un Alak chi Tagui, mangulilak utla pita un isun chi lakwa si timpun Noah.

Matthew 24:39

Ot lappun ammun cha tagu lu silu makwa inggalad gummatong chi litap ot laamincha laalud. Kamatchi bo makwa lu umali Alak chi Tagu.

Matthew 26:64

Ot kalan Jesus kan siya, “Allat boʼn imbyegam. Ngim ibyegak kan chikayu, mailayu Sakon un Alak chi Tagu un umaammuy si machuwalan Apudyus un Mallakabyelin. Ya mailayu boʼn mangulilak un mibiɏun si libuuʼd langit.”

Mark 13:26

“Ked mailan cha losan un tagu Sakon un Alak chi Tagu un umali un mipati si libuu, ked maila chi kilabyelinku ya lumilalilang chi kila-Apudyusku.

Luke 17:24

Ti Sakon un Alak chi Tagu lu mangulilak, isun chi sumlitan chi kilat un lappun achi mangitullong ti lilangala losan utla pita.

Luke 17:29

Ha eɏgew un lalelalan cha Lot ud Sodom, ummuchen si apuy ya asupli un lampeɏpuʼd langit ot lilasapla chicha losan.

Luke 21:22

Ti hachi timpu un malusaan Apudyus si losan ta matungpaɏan chi losan un liigili si ugud Apudyus.

Luke 21:27

Ked mampaila chi Alak chi Tagu un umali si libuu ya maila bo kilabyelinku ya lumilalilang chi kila-Apudyusku.

1 Corinthians 1:7

Ked ilaminyu ilawat cha losan un binchisyun Kristu ked lappun mangkuɏanganyu si laispirituan un kabyeeɏan si manguuwayanyu si mangulilan Apu Jesu Kristu.

1 Corinthians 1:8

Ked si Apudyus, pakoskoscheɏola pammatiyu inggala si alungus chi eɏgew taplu lappun mapabyasuɏanyu si mangulilan Apu Jesu Kristu.

Colossians 3:4

Si umaliʼn eɏgew, lu mampaila si Kristu un siya tuttuwan biyegyu, ked mipati kayu bo si lumangɏangan chi kilachayawla.

2 Thessalonians 1:7

ya chikayuʼn mapampaligatan un isumi, palin-awaon Apudyus chikayu si ligligatyu si mangulilan Apu Jesus un mampeɏpuʼd langit un kadwaan cha angheleslaʼn mallakabyelin.

1 Peter 1:13

Ked isagalayu somsomokyu un mangwa si pion Apudyus. Man-alled kayu ya popotpotanyu lamlama takuʼn binchisyun un maitod kan chikayu si mangulilan Jesu Kristu.

1 Peter 1:7

Ti cha achuʼn ligat un mapachasyu, hachi main-an chi katuttuwaan chi pammatiyu. Ulay chi byalituk mayam-an si apuy. Ked ha pammatiyu lapotpotog lu ha byalituk. Ked masapuɏʼn mapaloklokan chi pammatiyu, ta hachi main-an chi katuttuwaala. Ked gapu si tuttuwaʼn pammatiyu, michayaw kayu ya mipangatu kayu si mangulilan Jesu Kristu.

1 Peter 4:13

Ngim ha koonyu otyan, ganggalasonyu makaligatanyu si ligat Kristu, ta makaganggalas kayu ya mipaila michayawala.

1 John 2:28

Ked chikayuʼn imbilangkuʼn aalakku, iinggew kayu kan siya taplu lateɏod kayu ya achipun kayu mabiin kan siya lu mangulin si umaliʼn eɏgew.

1 John 3:2

Bubuɏunkuʼn ay-ayatok, aalak Apudyus chitaku si sala, ngim chaampun taku patunged maawatan chi mambyalilan taku si umaliʼn eɏgew. Ngim ammu takuʼn si mangulilan Kristu kasin, miyisu taku kan siya ti itullong takuʼn ustu-ustu kopyala.

Revelation 1:7

Somsomkonyu allaya: Kasin umali si Jesu Kristu un manggagawa si libuu, ked losan cha tagu itullong, ulay cha hachiʼn lallut-uk kan siya. Ked losan cha tagu si kaili-ili mamayogpog si ogyatcha si umaliyala ti hachi machusaancha. Ked sigulachuʼn makwa cha alla!