Luke 17:2 - Lubuagan Kalinga

² Un-ulloy chi ibitinla biletun gilingan si byegangla ked lantup-ung si byeybyey lu siya mangmangwa si makabyasuɏan cha allaʼn achipun lootong chi pammaticha.

Luke 17:2 ပူးပေါင်းရင်းမြစ်များ

Matthew 17:27

Ngim ulay chakampun si kailiyan taku, bay-anyu ta achi lumawik chi somsomok cha tagu kan chitaku. Ingka mamungwit si byeybyey ked ha umulan mabungwitan, takangom chi tupokla ked awed chi pilak un umalay un mambugis cha chuwa. Ked eɏam ya ummoylu bilayachen chi bugista.”

Matthew 18:10

“Ammanyu ilan ta achiyu am-amsiwon cha allaʼn aalak si pammaticha ti cha anghelescha kalayun awed si awechen Amak ud langit.

Matthew 18:14

Siya bo kan Amayuʼd langit un achipunla pion un awed mataɏak ulay ossaan kan cha allaʼn aalak.”

Matthew 26:24

Ti Sakon un Alak chi Tagu, mapatoyak ti siya liigili si ugud Apudyus. Ngim kadchegu taguʼn mangiyibit kan sakon. Un-ulloy chi achipun liyalak chi taguʼn hachi.”

Mark 9:42

“Lu silu mangmangwa si makabyasuɏan cha allaʼn kabyabyaan un taguʼn mamati kan sakon, un-ulloy chi ibitinla biletuʼn gilingan si byegangla ked lantup-ung si byeybyey.

John 21:15

Lagamputcha pun langan, kalan Jesus kan Simon Peter, “Simon un alak John, ha chakchakeɏ kamma ayatlu kan sakon lu ha ayatlu kan cha allaʼn uchum?” Ot kalan Peter, “O Apu, ammum mit un ay-ayatok sika.” Ot kalan Jesus kan siya, “Lu katlat, ayyuwalam cha lamati un ibilangkun keɏliluk.”

1 Corinthians 9:15

Ngim achipunku iluseɏ cha hachiʼn kalobbongak ya achipunku bò isuɏat ta maatod kan sakon cha alla. Un-ulloy chi matoyak lu makaan chi kalobbongak un mangibyegbyega un siya ipaspasweɏk?

1 Corinthians 9:22

Isula bo lu byegbyegaak cha lakapsut chi pammaticha, lambyalilak lakapsut un isucha taplu maawisku chicha. Si losan un pamuspusan, itachunku si kachawiyan cha ulay silu kalasichaʼn tagu taplu matagu cha uchum.