Luke 17:16 - Lubuagan Kalinga

¹⁶ Lampalintuming siya si sangwalan Jesus ot lanyaman kan siya. Hachiʼn leɏaki ked iSamaria.

Luke 17:16 ပူးပေါင်းရင်းမြစ်များ

Matthew 10:5

Oli pun imbuun Jesus cha lasawaɏan si chuwaʼn apostolesla ot bililinla chicha, “Achi kayu umoy si ilin cha Gentil ya ulay cha ilin cha Samaritans.

Matthew 2:11

Lilumlokcha si hachiʼn byeɏoy ot intullongcha pu hachiʼn alak ya si ilalaʼn Mary, lampalintumingcha un lanchayaw kan siya. Ot lan-itokweɏcha kan cha lakakassun un ichatunchaʼn buɏawan, byangbyanglu un insenso ya apɏus un mirra ot illidchonchaʼn kan siya.

Mark 5:33

Gapu ta ammun chi hachiʼn byebyai lakwa kan siya, ummachali un mamaypayogpog si ogyatla ot lampalintuming si sangwalanla. Ot imbyegala katuttuwaan.

Luke 17:17

Oli pun kalan Jesus, “Chakampun kamman un simpuɏucha un lummin-awa? Chimma ummoyan cha siyam?

Luke 5:8

Intullong pun Simon Peter chi lakwa, lampalintuming si sangwalan Jesus, ot kalala, “Apu, telam sakon ti malagbyasuɏak!”

John 4:9

Kalan chi byebyaiʼn iSamaria kan siya, “Puggey sika un Judio mangkochew si ilumom kan sakon un iSamaria?” (Ti cha Judio achipun cha makabibiɏun kan cha iSamaria.)

John 5:23

taplu chayawon cha losan un tagu chi Alak un isun chi manchachayawcha si Ama. Lu silu achipun manchayaw si Alak, achipunla bo chayawon chi Ama un langibuun kan siya.

John 8:48

Oli pun kalan cha Judio kan Jesus, “Ha chakampun kamman si tuttuwa imbyegami un iSamariaka ya laaɏanka bo?”

Acts 1:8

Ngim lu umali Ispiritun Apudyus kan chikayu, maidchen kayu si kilabyelin un mangibyegbyega kan cha tagu mipanggop kan sakon utla Jerusalem ya losan un ili ud Judea ya Samaria ya inggala si intilun chi lubung.”

1 Corinthians 14:25

Ked gapu bo ta miloswa cha losan un litataɏu si somsomokla, hachi bo mambyabyawiyala ked siyad chayawola si Apudyus un kalala, “Tuttuwaʼn alla si Apudyus kan chikayu!”

Revelation 19:10

Ot lampalintumingak un malayaw si hachiʼn anghel, ngim kalala, “Achim sakon chayawon! Abus si Apudyus un chayawom ked lappun uchum, ti osaak boʼn mansimbi kan Apudyus un isum ya cha bubuɏunlu, ked ooglen taku losan cha katuttuwaan un intudtuchun Jesus.” Ti ha katuttuwaan un intudtuchun Jesus, siya impakaawat cha propeta.

Revelation 4:10

mampalintuming cha hachiʼn chuwampuɏu ya opat un mangipangpangu si sangwalan chi hachiʼn umaammuy si malayawancha kan siya un matatagu si ing-inggala. Ot illiggacha koronacha si sangwalanla, ot ikankantacha,

Revelation 5:14

Ked kalan cha hachiʼn opat un parsua, “Amen!” Ot lampalintuming cha hachiʼn mangipangpangu un lanchaychayaw.