Luke 17:1 - Lubuagan Kalinga

¹ Kalan Jesus kan cha disipulusla, “Tuttuwaʼn maawis chi tagu un makabyasuɏ kan Apudyus. Ngim kadchegu taguʼn mangwa si makabyasuɏan cha uchum!

Luke 17:1 ပူးပေါင်းရင်းမြစ်များ

Matthew 16:23

Ot lansagung si Jesus ot kalala kan Peter, “Wissedka, Satalas! Sika umalliw kan sakon. Ti ha somsomoklu ked chakampun si pion Apudyus ngim pion chi tagu.”

Matthew 18:7

Kadchegu cha tagu si lubung alla ti achu cha sulisug un mapachasancha. Gagangay un gumatong cha sulisug kan cha mamati, ngim kadchegu chi taguʼn mansulisug si makabyasuɏan.

Luke 16:31

Ngim kalan Abraham, ‘Lu achipuncha chongɏon cha inggilin Moses ya cha propeta, achipuncha mit laing mamati, ulay lu awed umuli matagu osa.’ ”

Romans 14:13

Ked masapuɏʼn iyagey taku un mampillabyasuɏ, ya allechen taku ta achi taku mangwa si makabyasuɏan cha biɏun taku.

Romans 16:17

Susulud, chawatok un an-allachenyu cha taguʼn manyam-an si timpuyugyu ya manggulu si pammatiyu. Ti suplingoncha katuttuwaan un litudtuchu kan chikayu ked sabyali itudtuchucha. Masapuɏʼn achayuwanyu chicha.

1 Corinthians 10:32

Ya an-allechenyu ta achiyu koon cha maasusuwan cha uchum, ulay Judio willu Gentil, ya ulay bo cha losan un susulud taku un mamati kan Apudyus.

1 Corinthians 11:19

Ngim gagangayla un pin-ata man-asisupling, ti kamatchi main-an chi kilaustuʼn chi pammatin cha uchum.

1 Corinthians 8:13

Ked lu siyad makabyasuɏan chi suludku mangalak si makan un liyatang si silan-apudyus, iyageykuʼn mangan kan cha kamatchi taplu achipun makabyasuɏ suludku.

1 Timothy 4:1

Lalaweg chi imbyegan chi Ispiritun Apudyus un chumtong chi timpu un man-awichen cha uchum un tagu ustuʼn pammati, ked tuttuwaoncha cha tuntulli un itudtuchun chi aɏan.

Revelation 2:14

“ ‘Ngim awed bo cha uchum un lawwingok mipanggop kan chikayu, ti awed cha uchum kan chikayu un maluɏusuɏut si intudtuchun Balaam si awi, siya langitudtuchu kan Balak un langawis kan cha galak Israel ta mangwacha si byasuɏ. Intudtuchula mangalancha kan cha lichatun si silan-apudyus, ya mangwaan cha leɏaki ya byebyai si kilagatkat.

Revelation 2:20

“ ‘Ngim awed bo lawwingok mipanggop kan chikayu, ti impalubusyu lantudtuchuwan chi osaʼn aginsusuɏu un isun Jezebel, imbyegala un siya kalu osaʼn propetan Apudyus, ta sikapala cha mansimbi kan sakon ta makabyasuɏcha. Ti itudtuchula mangwaan cha leɏaki ya cha byebyai si kilagatkat, ya ha mangalancha si makan un lichatun si silan-apudyus.