Luke 16:8 - Lubuagan Kalinga

⁸ Lagamput pun, laammuwan chi apula kilasikap chi man-aayyuwalola, ot chilayawla kilalaingla. Ot kalan Jesus, “Tuttuwa cha achipun mamati kan Apudyus, lasiksikapcha si kooncha lu cha mamati.”

Luke 16:8 ပူးပေါင်းရင်းမြစ်များ

Matthew 12:32

Ked lu silu mangibyega si lawwing mipanggop kan Sakon un Alak chi Tagu, makwaʼn mapakawan. Ngim lu silu mangibyega si lawwing mipanggop si Ispiritun Apudyus, achipun makwaʼn mapakawan si sala ya ing-inggala.”

Matthew 17:26

Kalan Peter, “Cha kakkaili.” Ot kalan Jesus kan siya, “Siya tuwa, achipun otyan mambyayed cha sigud un tagu utla.

Luke 16:10

Ha taguʼn mapiyeɏ un mangchon si paat un byaleg, mapiyeɏ boʼn mangchon si chakeɏʼn byaleg. Ngim ha taguʼn achipun mapiyeɏʼn mangchon si paat un byaleg, achipun bo mapiyeɏʼn mangchon si chakeɏʼn byaleg.

Luke 16:4

Katla kook, ulay lu kaalolak si kawachik, makwaʼn mangiliyolak kan cha biɏunku si byebbyeɏoycha.’

Luke 16:7

Ot ilimusla si osa, ‘Piga utanglu si ap-apuk?’ Ot kalala, ‘Sillibuʼn siɏup un wheat.’ Ot kalan chi hachiʼn man-aayyuwan, ‘Alliya listaan chi utanglu, pinmaam ta obsonta si waɏun gasut.’ ”

Luke 18:6

Ot kalan Apu Jesus, “Chongɏonyu ked chi imbyegan chi lawwing un kuis.

Luke 20:34

Kalan Jesus kan chicha, “Cha tagu utla pita si salaʼn timpu man-as-asawacha.

Luke 20:35

Ngim cha taguʼn ibilang Apudyus un awed kalobbonganchaʼn umuli matagu, un umoy ud langit, achipuncha man-as-asawa.

John 12:36

Ked mamati kayu si silaw un allat kan chikayu ta mambyalin kayu taguʼn chi padcha.” Imbyegan pun Jesus chi hachi, ummoyon ot achipun lampappaila kan chicha.

1 Corinthians 3:18

Ked, ilanyu ta achiyu tuntulliyan chi long-egyu. Lu awed kan chikayu mangibilang si long-egla un lalaing un mibyaseɏ si kilalaing cha achipun mamati, masapuɏ otyan un ipabyabyala somsomokla ta koola tuttuwaʼn kilalaing un mampeɏpu kan Apudyus, ulay lu amsiwon cha tagu.

Ephesians 5:8

Si sin-eɏgew, manggikbot chi inggewanyu ti lappun ammuyu kan Apudyus. Ngim si sala, pummadcha somsomokyu gapu si lamatiyanyu kan Apu Jesus. Ked masapuɏʼn ha mambibiyegyu miyulud si pummadchaan chi somsomokyu,

Philippians 3:19

Ked ha makwa kan chicha, mibyellucha ud impiyeɏlu, ti siya abus un potgoncha cha pipion chi long-egcha. Ked cha kabibiin, hachi isaysayawcha, ked cha awed si allaʼn pita cha pin-acha somsomkon.

1 Thessalonians 5:5

Chitakuʼn mamati, sililawan Apudyus chi somsomok taku ked isun chi padcha willu eɏgew chi iinggewan taku, chakampun un isun chi gikbot willu labi igew taku.

1 Peter 2:9

Ngim chikayu pililiyan Apudyus un tagula ya papachiʼn chi Ari un mansimbi kan siya. Ya chikayu laapudyusan un tagula, mismuʼn tagun Apudyus, ti chikayu mangibyegbyega si lakaskaschaaw un killingwala. Illawala chikayu si gikbot ot inyatunla chikayu si lakaskaschaaw un padchala.

1 John 3:10

Ha mangilasilan taku kan cha aalak Apudyus ya cha aalak chi diablo, kamatla: Ha taguʼn achipun mangwa si bibiɏu ya achipunla ay-ayaton chi susuludla, chakampun un alak Apudyus.