Luke 16:2 - Lubuagan Kalinga

² Ot impaayegla siya ot kalala, ‘Simma allaʼn chongchongɏok un pin-am koon? Amilom ilista cha losan un killingwam mipanggop si cha impiyeɏk kan sika ti kaalok sika si kawachim.’

Luke 16:2 ပူးပေါင်းရင်းမြစ်များ

Matthew 12:36

Tuttuwa ibyegak kan chikayu, lu chumtong chi manguisan Apudyus kan cha tagu, kacha osa songbyatala kan Apudyus cha losan un ilugudlaʼn lappun simsimbila.

Matthew 20:8

“Alla pun un lummaschom, kalan chi simpita si ap-apun cha bubùulola, ‘Chagupom cha langkawachi ya man-atodka kan cha tangchencha. Ilugim kan cha langan-allungus langkawachi inggala kan cha ummun-ula langkawachi.’

Luke 12:20

Ngim kalan Apudyus kan siya, ‘Laoggogka! Si salaʼn labi matoyka. Ked silu mangingkuwa kan cha allaʼn ilumunglu?’ ”

Luke 12:42

Ot kalan Apu Jesus un lan-alig, “Silu chi mapiyeɏ ya lasilib un bubùulon? Siya chilutukan chi ap-apulaʼn mangayyuwan si byeɏoyla ya mangatod kan cha uchum un bubùulon si kaloncha si ustuʼn timpu.

Luke 16:1

Oli pun kasin lan-alig si Jesus kan cha disipulusla, kalala, “Inggew chi osaʼn byaklang un langipiyeɏ si losan un kukkuwala si osaʼn man-aayyuwan. Ngim chingngeɏn chi hachiʼn byaklang un gasgastuwola pilakla.

Luke 16:3

“Simsimmok chi man-aayyuwan lu silu ustuʼn koola. Ot kalala, ‘Simma ga kook ti allaʼn kaalolak si ap-apuk? Chakpun ammuʼn mamayaw ya mabiilak un mampalimus.

Romans 14:12

Ked kacha osa kan chitaku, sumangu kan Apudyus un malongbyat kan cha losan un killingwala.

1 Corinthians 1:11

Hachi ibilinku kan chikayu, susulud, ti imbyegan cha uchum un tagun Chloe un man-asiillisit kayu.

1 Corinthians 4:2

Ked masapuɏ un pasig mantegochen chi bubùulon si apula.

1 Corinthians 4:5

Ked achi kayu manguis kan cha uchum inggala chumtong chi ustuʼn timpu. Ti siyad uuwayon taku mangulilan Apu takuʼn Jesu Kristu ta siya mangitokweɏ kan cha litataɏu un somsomok ya siya bo mangipakaammu si gegeɏaon chi somsomok. Ked hachi malayawan Apudyus si kacha osaʼn tagu insigun si tuttuwaʼn killingwala.

2 Corinthians 5:10

Ti losan taku sanguwon si Kristu si makuisan taku, ta kacha osa maatod kan siya subyalit chi killingwala si allaʼn mataguwala bibiɏu man willu lawwing.

1 Timothy 4:14

Allechem cha illidchon Apudyus un kabyeeɏam si gummingaan cha propeta ya si langipatayan cha mangipangpangu si imacha kan sika.

1 Timothy 5:24

Awed cha uchum un taguʼn mamàila byasuɏcha, ked mampapattak un machusacha. Ngim cha uchum, achipun milasin cha lakabyasuɏancha, ngim asi maila lu alungus chi eɏgew.

1 Peter 4:10

Usaɏon otyan chi kacha osa chi illidchon Apudyus un kabyeeɏala un mansimbi si bumaɏuwan cha bubuɏunla, isun chi osaʼn bibiɏuʼn man-ayyuwan kan cha lakalakalasi un binchisyun un illidchon Apudyus.

1 Peter 4:5

Ngim songbyatancha kan Apudyus un lakasagala un manguis kan cha latattagu ya cha latoy.

Revelation 20:12

Oli pun bo intullongku cha losan un langkakatoy un tagu un lipasangu si hachiʼn umaammuy, ked wechewed cha langangatu ya labyabya, ya ulay bo cha hachiʼn langkakatoy si byeybyey, ked lummoswacha losan, ya ulay bo cha losan un langkakatoy un illinggew ud Hades un inggewan cha latoy. Ked summisikedcha si sangwalan chi hachiʼn ummaammuy, ot labuktan chi liblu un liigiliyan cha losan un killingwan cha tagu. Ya labuktan bo osaʼn liblu un liigiliyan cha ngachen cha losan un makatagu kan Apudyus si ing-inggala. Ot lakuis losan cha hachiʼn ummuli latagu, ked laibyeseɏ si killingwacha si katattagucha, un liigili si hachiʼn liblu.