Luke 16:16 - Lubuagan Kalinga

¹⁶ “Ha lintog Moses ya cha inggilin cha propeta si awi, hachi latungpeɏ lasuɏut inggala si timpun John un Mambubunyeg. Lallugi si hachiʼn timpu, libyegbyega Bibiɏuʼn Chameg mipanggop si Mampangatan Apudyus ya achu mangipatut un mipati.

Luke 16:16 ပူးပေါင်းရင်းမြစ်များ

Matthew 10:7

Kacha ayanyu iweɏagawegyu Bibiɏuʼn Chameg, ‘Chanchali Mampangatan Apudyus.’

Matthew 15:11

Chakampun si lumlok si tupok chi tagu malimok kan siya, ngim siyad malimok kan siya cha lawwing un lumoswa si tupokla.”

Matthew 21:32

Ti ummali pun si John un Mambubunyeg, intudtuchula bibiɏuʼn mambibiyeg un masapuɏʼn suɏutonyu, ngim achipunyu pilati siya. Ngim cha lamati kan siya, cha manchachagup si bugis ya cha puta. Ked ulay lu intutullongyu lambyaliwancha, achipun kayu lambyabyawi kan cha byasbyasuɏyu ya achipunyu bo pilati siya.”

Matthew 3:2

Kalala, “Ibyabyawiyu cha byasbyasuɏyu ti chanchali Mampangatan Apudyus.”

Matthew 4:17

Malipud si hachiʼn timpu, lilugiyan Jesus un lambyegbyega un kalala, “Mambyabyawi kayu kan cha byasuɏyu ti chanchali Mampangatan Apudyus.”

Matthew 4:23

Ummoy si Jesus kan cha losan un iliʼd Galilee. Ot lantudtuchu si cha sinagogacha. Imbyegbyegala Bibiɏuʼn Chameg mipanggop si Mampangatan Apudyus ya pilalin-awala bo cha lakalakalasiʼn sakit ya cha ligat cha tagu.

Mark 1:14

Libyaɏud pun si John un Mambubunyeg, langulin si Jesus ud Galilee ta mambyegbyega si Bibiɏuʼn Chameg un lampeɏpu kan Apudyus.

Mark 1:45

Ngim ummoyon pun siya, pin-ala inweɏaweg chi killingwan Jesus kan siya. Gapu si hachi, achipun makaslok si Jesus kan cha uchum un ili ti amo-amod cha tagu. Ot illinggew siya si iliʼn lappun tagu. Ngim achu cha taguʼn ummoy kan siya un lampeɏpu si cha uchum un ili.

Luke 10:11

‘Ulay chi tapuk si iliyu un pillumkot si ikimi pukpukanmi ta mangammuwanyu un kiged kayu si machusaanyu. Ngim ammuwonyu otyan un chanchali gumatngan chi Mampangatan Apudyus kan chikayu, ngim ilissanyu.’

Luke 10:9

Palin-awaonyu cha lasakit si hachiʼn ili ya ibyegayu kan chicha, ‘Chancheli gumatngan chi Mampangatan Apudyus kan chikayu.’

Luke 16:29

“Ngim kalan Abraham, ‘Awed cha inggilin Moses ya cha propeta un mamegbyega kan chicha. Masapuɏ otyan un chongɏoncha chi itudtuchucha kan chicha.’

Luke 16:31

Ngim kalan Abraham, ‘Lu achipuncha chongɏon cha inggilin Moses ya cha propeta, achipuncha mit laing mamati, ulay lu awed umuli matagu osa.’ ”

Luke 9:2

Ot imbuunla chicha ta umoycha ibyegbyega chi Mampangatan Apudyus ya mampalin-awa kan cha lasakit.

John 1:45

Inchesan Philip si Nathanael ot kalala kan siya, “Inchesanmi taguʼn imbyegan Moses si lintog ya cha propeta. Siya si Jesus un alak Joseph un iNazareth.”

John 11:48

Lu ipayan taku siya un katlat, losan cha tagu mamati kan siya ked umali cha turay un iRome ked yam-aloncha templo ya ili taku!”

John 12:19

Ot kalan cha Pariseo, “Ilanyu, lappun makwa taku! Ti losan cha tagu sumuɏut kan siya.”

John 5:4

Ti sin-udchuman man-osog chi anghel Apudyus si lalabbungan ked kiliblongla chelum. Ha umun-ulan mantup-ung si lalabbungan lu magamput makiblong chi chelum, ked makaan ulay silu sakitla.

Acts 3:18

Ngim ha latoyan Jesus, hachi katungpaɏan chi impakaammun Apudyus kan cha losan un propeta, un kalala ha Messiah un ibuunla ked masapuɏʼn manligat ya matoy.