Luke 16:1 - Lubuagan Kalinga

¹ Oli pun kasin lan-alig si Jesus kan cha disipulusla, kalala, “Inggew chi osaʼn byaklang un langipiyeɏ si losan un kukkuwala si osaʼn man-aayyuwan. Ngim chingngeɏn chi hachiʼn byaklang un gasgastuwola pilakla.

Luke 16:1 ပူးပေါင်းရင်းမြစ်များ

Matthew 20:8

“Alla pun un lummaschom, kalan chi simpita si ap-apun cha bubùulola, ‘Chagupom cha langkawachi ya man-atodka kan cha tangchencha. Ilugim kan cha langan-allungus langkawachi inggala kan cha ummun-ula langkawachi.’

Luke 12:42

Ot kalan Apu Jesus un lan-alig, “Silu chi mapiyeɏ ya lasilib un bubùulon? Siya chilutukan chi ap-apulaʼn mangayyuwan si byeɏoyla ya mangatod kan cha uchum un bubùulon si kaloncha si ustuʼn timpu.

Luke 15:13

“Laeɏgewalan ked lan-ipɏak chi uchichi kan cha laksunla, ot illaɏala pilakla ot ummoyon. Ummoy si iliʼn ad-adchayuwan ot gilastula losan chi pilakla si cha tilitingang.

Luke 15:30

Ngim ha allaʼn alaklu, gummatong un gilastula losan cha kukkuwam si cha puta, siya bo impeɏtiyam si kalungpuwan un tulitin byaka.’

Luke 16:19

Intuɏuy Jesus un lantudtuchu, kalala, “Inggew chi osaʼn byaklang un mangkangila silupla ya ileɏgew un mampalagsak si kakan.

Luke 16:2

Ot impaayegla siya ot kalala, ‘Simma allaʼn chongchongɏok un pin-am koon? Amilom ilista cha losan un killingwam mipanggop si cha impiyeɏk kan sika ti kaalok sika si kawachim.’

Luke 19:20

“Ot ummoy chi osa un kalala, ‘Apu, alliya pilaklu. Bilussungku si pangyu ot inteponku.

Luke 8:3

Ked inggew bo si Joanna, un asawan Cuza un pangat cha mambyebyentayon Ari Herod si salikuwala. Ya si Susanna ya achu boʼn byebyai un tummuɏung kan Jesus ya disipulusla.

Titus 1:7

Ha pallakayon masapuɏʼn lappun machillawala ti siya piliyeɏn Apudyus un mangichaychaɏan kan cha mamati. Achipun leɏastug willu mallasu sangala willu kabubuuk willu kagugulu willu maagum.

James 4:3

Ked lu manchawat kayu, achipun Apudyus idchon ti lawwik chi panggopyuʼn manchawat, ti mangganggalasan abus chi long-egyu.

1 Peter 4:10

Usaɏon otyan chi kacha osa chi illidchon Apudyus un kabyeeɏala un mansimbi si bumaɏuwan cha bubuɏunla, isun chi osaʼn bibiɏuʼn man-ayyuwan kan cha lakalakalasi un binchisyun un illidchon Apudyus.