Luke 15:8 - Lubuagan Kalinga

⁸ Intuɏuy Jesus un lan-alig, kalala, “Lu awed osaʼn byebyaiʼn simpuɏu pilaklaʼn pappalata ked tilaɏakla osa, simma koola? Tonggela silaw ya silagachela chi byeɏoyla ya ammala singngit inggalà maochesala.

Luke 15:8 ပူးပေါင်းရင်းမြစ်များ

Matthew 5:15

Ked lappun tagu si tonggela silaw ked lilakkobyela si chungchung. Ngim ipatayla si ustuʼn papattayan ta silawala cha losan un inggew ud chaɏom chi byeɏoy.

Luke 15:7

Ibyegak kan chikayu, katchi boʼn amod chi galas cha awed ud langit lu mambyabyawi ulay ossaan un malagbyasuɏ lu cha siyampuɏu ya siyam un lalintog un achipuncha masapuɏ un mambyabyawi.”

Luke 15:9

Ked lu inchesala, man-ayeg kan cha biɏunla ya cha cheegla, ked kalala kan chicha, ‘Manlagsak taku ti inchesak chi pilakkuʼn lataɏak.’

Luke 19:10

Ti Sakon un Alak chi Tagu, ummaliyak utla pita ta singtok cha malagbyasuɏ ta taguwok chicha.”

John 10:16

Awed cha uchum un keɏliluk un achipun lilamung si pukochen alla. Masapuɏʼn ayagek bo chicha ta chongɏoncha gingak, ked mambyalincha man-ossaan un ayyuwalan chi ossaan un man-aayyuwan.

John 11:52

Ya chakampun si abus cha Judio ngim chagupola bo man-ossaalon cha losan un aalak Apudyus un liwatak si cha ili-ili.

Acts 19:19

Ot chilagup cha uchum un pin-a mansalsalamangka liblucha ot singgobcha si sangwalan cha tagu. Ha gated chi liblucha ked umoy un limampuɏun libun pilak.

Ephesians 2:17

Ked ha ummaliyan Jesu Kristu, intudtuchula mantitimpuyugen taku kan Apudyus, chikayuʼn Gentil un adchayuwan kan Apudyus ya chikami boʼn Judio un ngadloncha tagun Apudyus.