Luke 15:6 - Lubuagan Kalinga

⁶ ked igetonglaʼd byeɏoycha. Ked man-ayeg kan cha biɏunla ya cha cheegla ked kalala kan chicha, ‘Manlagsak taku ti inchesak chi lataɏak un keɏliluk.’

Luke 15:6 ပူးပေါင်းရင်းမြစ်များ

Luke 1:58

Chingngeɏn pun cha cheeg ya agin Elizabeth un amod chi kilachegun Apudyus kan siya, lakaganggalascha kan siya.

Luke 15:10

Ibyegak kan chikayu, katchi boʼn manlagsak cha angheles Apudyus lu mambyabyawi ulay ossaan un malagbyasuɏ.”

Luke 15:24

Ti ha allaʼn alakku kalak pun lu latoy ngim allaʼn latattagu, kalak pun lu lataɏak, ngim allaʼn langulin.’ Ot lilugiyanchaʼn langganggalas.

Luke 15:5

Ked lu inchesala, amod chi tileɏoklaʼn mamukud

Luke 15:7

Ibyegak kan chikayu, katchi boʼn amod chi galas cha awed ud langit lu mambyabyawi ulay ossaan un malagbyasuɏ lu cha siyampuɏu ya siyam un lalintog un achipuncha masapuɏ un mambyabyawi.”

John 15:14

Ked chikayu cha bubuɏunku lu tuttuwaonyu cha bilinku.

John 3:29

Ha isula, isun chi leɏakiʼn mangikaseɏ si byebyai, ked ha kadwan chi leɏaki manchongeɏ ked magalasan lu chongɏola gingan chi leɏaki. Ked lagalas lu man-asawacha. Katchi bo un isun chi sakon chi mangiyala si gumatngan chi Messias ked amod chi galasku si sala.

Acts 11:23

Gummatong pun udchi, intullongla un kilacheguwan Apudyus chicha, lagalasan ot silegegla chicha ta ipapaticha pammaticha kan Apu Jesus.

Acts 15:3

Pileɏung-ud cha mamati chicha, ot langoycha ud Phoenicia ya Samaria, imbyegbyegacha lamatiyan cha Gentil kan Jesus. Ot amod chi galas cha losan un mamati.

Philippians 1:4

Inggan chi chamu un lamatiyanyu kan Jesu Kristu inggala si sala, tiluɏutuɏungalak kan chikayu si langipakaammuwak si bibiɏuʼn chameg mipanggop kan siya. Ked pasigak lagalas un mangiluwalu kan chikayu.

Philippians 2:17

Ulay lu mapatoyak si sala, lagalasak un mangipuɏang si biyegku kan Apudyus ti mipati kan cha biyegyu un isun chi ichatunyu kan Apudyus gapu si pammatiyu kan siya. Ked makagalasak bo kan chikayu.

Philippians 4:1

Ked susuludkuʼn ay-ayatok, ituɏutuɏuyyu pammatiyu kan Apu Jesu Kristu. Amod chi ayuk kan chikayu, ti chikayu mampagalas kan sakon ya chikayu bo isun chi gunggulak si kawachik.

1 Thessalonians 2:19

Pionmi un umali ti chikayu lamlamami ya chikayu gumalasanmi ya chikayu gunggulami un isayawmi si sangwalan Apu takuʼn Jesus si kasinla umaliyan.

1 Peter 2:10

“Si sin-eɏgew, chakampun un taguʼn Apudyus chikayu, ngim si sala lantagun Apudyus chikayu. Si sin-eɏgew, achipunyu ammu kachegun Apudyus, ngim si sala kilacheguwan chikayu.”

1 Peter 2:25

Ti si chamchamu, isu taku lachungaw un keɏlilu. Ngim si sala, inyulin chitaku kan Jesu Kristu un pastuɏ taku ya mangay-ayyuwan si kalichodwa taku.