Luke 15:2 - Lubuagan Kalinga

² Sin-iingok cha Pariseo ya mimistulun chi lintog un kalancha, “Awaton chi taguʼn alla cha malagbyasuɏ ya lakakan bo kan chicha.”

Luke 15:2 ပူးပေါင်းရင်းမြစ်များ

Matthew 11:19

Ked Sakon un Alak chi Tagu, ummaliyak lakakan kan chikayu ya lakain-ilumak kan chikayu, ngim kalanyu un, ‘Ilanyu ked siya un bukallu ya kabubuuk ya kadwan cha manchachagup si bugis ya cha malagbyasuɏ!’ Ngim ulay lu siya kalanyu, ha ustu-ustuʼn kilasilib Apudyus ked maila si biyeg cha lasilib un tagu.”

Matthew 9:11

Intullong pun cha Pariseo chicha, ilimuscha kan cha disipulus Jesus, “Puggey makakan chi Apuyu kan cha manchachagup si bugis ya cha malagbyasuɏ?”

Luke 15:3

Ot lan-alig si Jesus kan chicha,

Luke 19:7

Ngim losan cha taguʼn langitullong, sin-iingokcha un kalancha, “Puggey mampamangili taguʼn halat si osaʼn malagbyasuɏ?”

Luke 5:30

Sin-iingok cha Pariseo ya uchum un mimistulun chi lintog un inggew, ot kalancha kan cha disipulus Jesus, “Pakayuggey makakan ya makain-ilum kan cha manchachagup si bugis ya cha malagbyasuɏ?”

Luke 7:34

Ngim Sakon un Alak chi Tagu, ummaliyak pun boʼn langa-langan ya ummilu-ilum, ilam-amsiwak bo un ngadlolak, ‘Leɏawot ya kabubuuk. Ya ngadlolak bo bubuɏun cha manchachagup si bugis ya cha malagbyasuɏ!’

Luke 7:39

Ngim intullong pun chi Pariseo kingwan chi byebyai, kalala si somsomokla, “Lu gettok un propeta si Jesus, ammula otyan chi kilatatagun chi byebyai un mangap-appupuy kan siya, ked ilomeɏala.”

Acts 11:3

Kalancha, “Ummoyka impamangili kan cha Gentil ya lakakanka bo kan chicha!”

Galatians 2:12

Kamatla lakwaala: Si gummatngan Peter ud Antioch, lakaubung kan cha uchum un mamati un Gentil. Ngim si hachi, gummatong pun cha uchum un Judio un imbuun James un lampeɏpuʼd Jerusalem, lummissut un lakaubung kan cha Gentil ot summila ti umogyat kan cha Judio un mangipatut un masapuɏʼn masogyatan cha losan un mamati.

1 Timothy 1:15

Awed chi osaʼn libyega un tuttuwaon otyan cha losan un tagu, un kalala, “Ummali si Kristu Jesus utla pita ta taguwola cha malagbyasuɏ.” Ked sakon chi osaʼn patunged malagbyasuɏ.