Luke 14:7 - Lubuagan Kalinga

⁷ Illilan pun Jesus chi in-ilon cha uchum un laayagen un mampili si kabiɏuwan un aammuyan, lan-alig kan chicha,

Luke 14:7 ပူးပေါင်းရင်းမြစ်များ

Matthew 13:34

Pasig Jesus useɏon chi pangngalig lu mantudtuchu kan cha amod un tagu. Lappun lantudtuchuwala kan chicha un achipunla iluseɏ pangngalig.

Matthew 23:6

Ya pioncha umamuy si lapotgen un aammuyan lu piyasta, ya piliyancha bo kabiɏuwan un aammuyan si sinagoga.

Luke 11:43

“Kadchegu kayuʼn Pariseo! Ti pipionyuʼn umamuy si kabiɏuwan un tugew si sinagoga ya pionyuʼn machaychayaw si kaachuwan cha tagu.

Luke 20:46

“Allechenyu cha mimistulun chi lintog, ti pipionchaʼn iliklikwos chi anchu-anchuʼn silupcha ya memeɏyedchaʼn chaychayawon cha tagu chicha si mekit. Ya piliyancha boʼn umamuy si kapopotgen un tugew si sinagoga ya pionchaʼn chicha machaychayaw lu awed piyasta.

Philippians 2:3

Ya ulay silu koonyu, chakampun otyan un mipangatuwanyu willu michayawanyu. Ti ha koonyu otyan, losanyu ipabyabya long-egyu ked ibilangyu cha biɏunyu un langatngatu lu chikayu.

3 John 1:9

Illinggew chi insuɏatku kan chikayuʼn mamati un pin-a manchetchetong utlat, ngim achipun Diotrephes biligbig chi kalobbonganmi. Piola un siya abus chi mangipangpangu.