Luke 13:34 - Lubuagan Kalinga

³⁴ Oli pun kalan Jesus, “O Jerusalem, chikayuʼn iJerusalem un langtoy kan cha propeta ya lamit-ung kan cha imbuun Apudyus! Langam pigan iluppunku chikayu un isun chi man-aalikon chi angngak kan cha isiwla ngim ummisik kayu.

Luke 13:34 ပူးပေါင်းရင်းမြစ်များ

Matthew 22:3

Ot imbuunla cha uchum un bubùulolaʼn man-ayeg kan cha taguʼn gilamputla ilimbiteɏan. Ngim achipuncha pion un umoy makakaseɏ.

Matthew 22:6

Cha uchum, lanchokmacha kan cha bubùulola ot pilaligatancha chicha ya intoycha chicha.

Luke 15:28

“Summanga panguɏu ot achipun lumlok si byeɏoycha. Lummawa amala ot ilàaɏokla siya.

Luke 19:44

Amiloncha yam-alon chi iliyu ya losan un taguʼn inggew. Amiloncha iwakat cha byetu ta lappun matelan si igewla, ti achipunyu biligbig chi timpuʼn umaliyan Apudyus malaguwan kan chikayu!”

Luke 23:28

Lantuwili si Jesus kan chicha ot kalala, “Chikayuʼn byebyaiʼn iJerusalem, achiyu sakon pin-a ibilan, ngim siyad ibilanyu cha long-egyu ya cha aalakyu.

Acts 7:52

Awed kamma propetan Apudyus un achipun cha chachakkeɏ taku pilaligatan? Lappun pulus. Pilatoycha cha imbuun Apudyus un umoy langibyega si gumatngan alaklaʼn Jesus un lappun byasuɏla. Ked chikayu, inyibityu ya pilatoyyu si Jesus.

Acts 7:59

Si lalamtampukancha kan Stephen, lalluwalu un kalala, “Apu Jesus, awatom chi kalichodwak.”

Acts 8:1

Si Saul chi langituluk si lamatoyancha kan Stephen. Si hachiʼn eɏgew lanlugi patunged un lamaligatancha kan cha mamatiʼd Jerusalem ot liwatak cha kaachuwan un mamati. Ummoycha si kailiili si probinsiyan chi Judea kan Samaria ngim latelan cha apostoles.

Revelation 11:8

Ked ha lechegcha, mibyebyellat si kesan chi hachiʼn chakeɏʼn ili un lilansaan chi Apucha. Ha mangiyaligencha si hachiʼn ili, isun chi Sodom willu Egypt, gapu si lawwing un laklakwa si hachiʼn ili.