Luke 13:32 - Lubuagan Kalinga

³² Summongbyat si Jesus kan chicha, kalala, “Ingkayu ibyega si hachiʼn lasikap un pin-ak mampeɏyaw kan cha aɏan un inggew si tagu ya man-agas kan cha lasakit si sala ya bigat ked si mikatluʼn eɏgew gamputok chi kawachik.

Luke 13:32 ပူးပေါင်းရင်းမြစ်များ

Mark 6:14

Chingngeɏn Ari Herod chi pin-an cha Jesus kingwa ti pin-an cha tagu ibyegbyega ngachen Jesus. Kalancha uchum, “Siya si John un Mambubunyeg un ummuli latagu. Hachi gapulaʼn awed chi pallakabyelinla un mangwa si lakaskaschaaw.”

John 10:32

Ot kalan Jesus, “Achu killingwak un mangkabyaɏu un impakwan Ama kan sakon si sangwalanyu. Ked silu kan cha alla gapun chi mamintukanyu kan sakon?”

John 19:30

Gilamput ked Jesus silupsupan chi kilom, kalala, “Lagamput.” Ot lanyung-ut ot latoy.

Hebrews 2:10

Ti miyustu-ustu chi killingwan Apudyus un langwa si losan ya siya lakwaan cha losan un awed para si michayawala, piola un achu cha mambyalin un alakla ta mipaticha bo si kilachayawla. Ustu-ustu langipalubusala si mapaligatan Jesus. Ti si Jesus chi mangichaɏan kan chitaku ya siya puun chi mataguwan taku.

Hebrews 5:9

Ked gapu si hachiʼn killingwala lipaila un lappun langkuɏangala, siya lambyalilala puun chi mallalayun un mataguwan cha losan un tumuttuwa kan siya.

Hebrews 7:28

Ti mibyeseɏ si lintog Moses, awed cha taguʼn lachutukan un kangatuwan un pachi, ulay lu lakapsutcha. Ngim ha ingkarin Apudyus, un ummun-ulud si lintog, chilutukala un kangatuwan un pachi Alakla un lappun byasuɏla si ing-inggala.