Luke 13:14 - Lubuagan Kalinga

¹⁴ Ngim summanga pangpangun chi sinagoga ti Sabyechu lamalin-awaan Jesus si hachi. Ot kalala kan cha tagu, “Olom eɏgew chi makwaʼn mangkawachiyan. Siya otya umaliyanyu mampalin-awaan, chakampun si Sabyechuʼn man-illongan!”

Luke 13:14 ပူးပေါင်းရင်းမြစ်များ

Matthew 12:2

Intullong pun cha Pariseo chi alla, kalancha kan Jesus, “Itullonglu ked chi pin-an cha disipuluslu koon, siluplingcha lintog taku un mipalit chi pumuting ya mangkutim si Sabyechu.”

Mark 5:22

Gummatong bo osaʼn pangat chi sinagoga un mangngachen Jairus. Intullongla pun si Jesus, lampalintuming si ikiyala.

Luke 6:11

Ngim amod chi sangan cha Pariseo ya mimistulun chi lintog ot lan-uuguchencha lu silu kooncha kan Jesus.

Luke 6:7

Illinggew bo cha uchum un mimistulun chi lintog ya Pariseo, mansingisingitcha si mangichiɏumancha kan Jesus, ot tamtamchagencha lu palin-awaola chi lasakit si Sabyechuʼn man-illongan.

Luke 8:41

Oli pun gummatong chi osaʼn pangat chi osaʼn sinagoga un mangngachen Jairus. Ot ummoy lampalintuming si ikiyan Jesus ot langkadkachegu ta umoy ud byeɏoycha,

Acts 13:15

Lagamput pun libyasa lintog Moses ya inggilin cha propeta, awed impaibyegan chi pangat chi sinagoga kan cha Paul un kalala, “Susulud, lu awed ugud un malegegyu kan cha allaʼn tagu, kewayu ta ibyegayu.”

Acts 18:17

Ot chilokmaan cha si Sosthenes un pangat chi sinagoga ot bilautancha siya si paway chi kurti. Ngim achipun Gallio biliyangan chicha.

Acts 18:8

Inggew si Crispus un pangat chi sinagoga ya losan un kabyeɏoyla lamaticha kan Jesus. Achu bo cha lampeɏpuʼd Corinth un lamati si chingngeɏcha imbyegbyegan Paul ya lampabunyegcha.

Romans 10:2

Takcheɏak chicha si amod un layedchaʼn malaychayaw kan Apudyus, ngim chakampun un ustu-ustu lan-aawatcha.