Luke 12:9 - Lubuagan Kalinga

⁹ Ngim lu silu mangisulib kan sakon si sangwalan cha tagu, Sakon un Alak chi Tagu isulibku bo siya si sangwalan cha angheles Apudyus.

Luke 12:9 ပူးပေါင်းရင်းမြစ်များ

Matthew 10:33

Ngim lu silu mangisulib kan sakon si sangwalan cha tagu, isula bo un isulibku bo siya si sangwalan Amak ud langit.”

Matthew 25:12

“Ngim summongbyat chi leɏakiʼn mikaseɏ un kalala, ‘Achipun makwa, ti lappun ammuk kan chikayu.’ ”

Matthew 25:31

Ot intuɏuy Jesus un kalala, “Sakon un Alak chi Tagu, lu umaliyak un isun chi Ari, kadwak cha losan un anghel ked maila kilachayawku. Ked mantugewak un manturay ya manguis si losan.

Matthew 25:41

“Ked ibyegak kan cha taguʼn inggew si machuwigik, ‘Wissed kayu, chikayuʼn machuchusa ti mibyellu kayu si mallalayun un apuy un lisasaggala para kan Satalas ya cha anghelesla.

Matthew 7:23

Ngim ibyegak kan chicha, ‘Lappun ammuk kan chikayu! Wissed kayu, chikayuʼn mangmangwa si lawwing!’ ”

Mark 8:38

Ti si salaʼn timpu un lappun pammatin chi kaachuwan ya amod chi kilalawwing cha tagu. Ked lu silu mabiin un mangisiked kan sakon ya ugudku, Sakon un Alak chi Tagu, mabiilak bo un mangisiked kan siya lu mangulilak un mangipaila si kilachayaw Amak un kadwaalak kan cha angheles.”

Luke 15:10

Ibyegak kan chikayu, katchi boʼn manlagsak cha angheles Apudyus lu mambyabyawi ulay ossaan un malagbyasuɏ.”

Luke 22:57

Ngim piluklitan Peter, un kalala, “Byebyai, lappun ammuk kan siya!”

Luke 9:26

Lu silu mabiin un mangisiked kan sakon ya ha ugudku, Sakon un Alak chi Tagu mabiilak bo un mangisiked kan siya lu mangulilak un mangipaila si kilachayawku ya kilachayaw Ama ya cha lasantuwan un angheles.

2 Timothy 2:12

Lu maattoman taku cha ligat, makaturay taku bo kan siya. Ngim lu puklitan taku siya, puklitala bo chitaku.

1 John 2:23

Ti ha taguʼn achipun mamigbig si Alak Apudyus, achipunla bo bigbigon si Amalaʼn Apudyus. Ngim ha taguʼn mamigbig si Alak, bigbigola bo Ama.

1 John 2:28

Ked chikayuʼn imbilangkuʼn aalakku, iinggew kayu kan siya taplu lateɏod kayu ya achipun kayu mabiin kan siya lu mangulin si umaliʼn eɏgew.

Revelation 3:8

Ammuk cha losan un pin-ayu koon, ya ammuk bo un akit chi kilakoscheɏyu. Ngim intalu ti impapatiyuʼn laluɏusuɏut kan cha losan un tudtuchuk ya achipunyu sakon lan-awichen. Ked isun chi liwawayyangwang chi sawang kan chikayu un lappun makaiyolob.