Luke 12:8 - Lubuagan Kalinga

⁸ Intuɏuy Jesus un lan-ugud, un kalala, “Ibyegak kan chikayu, lu silu mangitakcheɏ si sangwalan cha tagu un sakon chi Apula, Sakon un Alak chi Tagu takcheɏak bo siya si sangwalan cha angheles Apudyus.

Luke 12:8 ပူးပေါင်းရင်းမြစ်များ

Matthew 8:20

Ot kalan Jesus kan siya, “Cha mutit allat chi lungug un igewcha ya cha sissiwit allat bo sukbutcha. Ngim Sakon un Alak chi Tagu, lappun byeɏoyku un inyak masuɏpan.”

Luke 15:10

Ibyegak kan chikayu, katchi boʼn manlagsak cha angheles Apudyus lu mambyabyawi ulay ossaan un malagbyasuɏ.”

2 Timothy 2:12

Lu maattoman taku cha ligat, makaturay taku bo kan siya. Ngim lu puklitan taku siya, puklitala bo chitaku.

1 John 2:23

Ti ha taguʼn achipun mamigbig si Alak Apudyus, achipunla bo bigbigon si Amalaʼn Apudyus. Ngim ha taguʼn mamigbig si Alak, bigbigola bo Ama.

Revelation 2:10

Ked ibyegak kan chikayu un achi kayu umogyat kan cha losan un ligat un umali kan chikayu. Ti si Satalas, pachasola kaalon chi pammatiyu ked mangwa si mibyaɏuchenyuʼn uchum. Ngim simpuɏuʼn eɏgew chi mapampaligatanyu ked abusla. Popotpotanyu pammatiyu kan sakon, ulay siya ikatoyyu, ked gunggulaak chikayu si mallalayun un biyeg si umaliʼn eɏgew.

Revelation 2:13

Ammuk chi inggewanyu, lugeɏ un isun chi bilumɏoyan Satalas ti siya pangat utlat. Ngim ammuk un ay-ayatolak kan chikayu ti achipunyu lan-awichen chi pammatiyu ulay chi langtoyancha kan cha kailiyanyu ya suludyuʼn Antipas un osaʼn mangipapatiʼn langipakaammu si mipanggop kan sakon.