Luke 12:5 - Lubuagan Kalinga

⁵ Ibyegak kan chikayu chi ustuʼn umogyatanyu. Umogyat kayu kan Apudyus ti alla kalobbongala un mangtoy si long-eg ya mangibyellu ud impiyeɏlu. Mamati kayu kan sakon ya masapuɏʼn ogyatanyù Apudyus!

Luke 12:5 ပူးပေါင်းရင်းမြစ်များ

Matthew 10:28

Achi kayu umogyat kan cha mangtoy kan chikayu, ti abus chi long-egyu si otoyoncha, achipuncha makaotoy si kalichodwayu. Ngim abus si Apudyus si umogyatanyu ti makwaʼn yam-alola long-eg ya kalichodwa ud impiyeɏlu.

Matthew 25:41

“Ked ibyegak kan cha taguʼn inggew si machuwigik, ‘Wissed kayu, chikayuʼn machuchusa ti mibyellu kayu si mallalayun un apuy un lisasaggala para kan Satalas ya cha anghelesla.

Matthew 25:46

Ked inyalungus Jesus, un kalala, “Mipooycha si mallalayun un machusaancha, ngim cha lalintog un tagu, makatagucha kan Apudyus si ing-inggala.”

Matthew 5:22

Ngim ibyegak kan chikayu, lu silu sumanga si biɏunla makuis ked lu silu mangig-iggaala biɏunla, michiɏum kan cha kukunsiseɏ ked lu silu mangibyega si biɏunla un, ‘Oggog! Lappun puutlu!’ lobbonglaʼn mibyellu si apuy ud impiyeɏlu.

Mark 13:23

Ngim man-alled kayu; ilun-ulak imbyegbyega kan chikayu losan cha laoy.”

1 Thessalonians 4:6

Ked lu mipanggop si kamatchi, allechenyu ta achi kayu makabyasuɏ kan cha suludyu. Achiyu lukuwon chicha un agumanyu chakampun un uwayu. Imbyegbyegami kan chikayu si sin-eɏgew un chusaon Apudyus cha mangmangwa si kamatchiʼn byasuɏ.

Hebrews 10:31

Kaog-ogyat cha mallak-am si chusan chi latattaguʼn Apudyus.

2 Peter 2:4

Ti achipun Apudyus kilacheguwan cha angheles un lakabyasuɏ, ngim imbyellula chichaʼd impiyeɏlu ta mabyabyaɏudcha si hachiʼn manggikbot ta manguuwayancha si eɏgew un manguisan Apudyus kan cha losan.

Revelation 14:7

Ked chakeɏ gingala, un kalala, “Ipotogyu si Apudyus, ya chayawonyu kilangatula, ti allaʼn gummatong chi manguisala kan cha losan un tagu! Ked chaychayawonyu siya, ti siya langwa kan cha losan, ulay langit ya pita, ulay bo byeybyey ya cha losan un uud!”

Revelation 15:4

Lappun achi umogyat kan sika si sala, Apu! Ya lappun bod achi mangibyega si kilangatum, ti lappun miyisuwan chi kilabiɏum. Ked cha losan un tagu si lubung, umalicha losan un malaychayaw kan sika ti laawatanchaʼn ustu-ustu cha losan un pin-am koon.”

Revelation 20:14

Ot losan cha hachiʼn latoy un lampeɏpuʼd Hades, libyellucha si hachiʼn apuy un gumilegileb un isun chi byeybyey. Hachiʼn apuy un byeybyey, hachi mikadwa un otoy un siya misilaan kan Apudyus si ing-inggala.