Luke 12:4 - Lubuagan Kalinga

⁴ “Ibyegak kan chikayuʼn bubuɏunku, achi kayu umogyat kan cha mangtoy si long-eg, ti siya kiged chi makwacha.

Luke 12:4 ပူးပေါင်းရင်းမြစ်များ

Matthew 10:28

Achi kayu umogyat kan cha mangtoy kan chikayu, ti abus chi long-egyu si otoyoncha, achipuncha makaotoy si kalichodwayu. Ngim abus si Apudyus si umogyatanyu ti makwaʼn yam-alola long-eg ya kalichodwa ud impiyeɏlu.

John 15:13

Ha kachakɏan un ayat un ipailan chi tagu ked ichuyala biyegla para kan cha bubuɏunla.

Acts 20:24

Ngim ulay lu matoyak, ti lappun bilang chi biyegku, piok un gamgamputok losan cha kawachin impakwan Apu Jesus kan sakon, un mangibyegbyega si bibiɏuʼn chameg mipanggop si kachegun Apudyus kan chitaku.

Acts 4:13

Laschaaw cha Kukunsiseɏ un langitullong si kilateɏod cha Peter kan John, ti ammucha un tagucha un labyabya saedcha un achipuncha lan-acheɏ. O gayam, chicha lituntun-ud un kadkadwan Jesus.

Philippians 1:28

Achi kayu umogyat kan cha mallawing kan chikayu, ti ha mangiyiskechenyu kan chicha, hachi mangagammuwancha un maabyakcha ya machusacha, ngim chikayu ked matagu kayu si ing-inggala ti si Apudyus chi mangwa si katchi para kan chikayu.

James 2:23

Ot latungpeɏ liigili un ugud Apudyus un kalala, “Lamati si Abraham kan Apudyus ot lapalintog siya si sangwalan Apudyus.” Ya laawagen bo siya un biɏun Apudyus.

1 Peter 3:14

Ngim ulay lu mapaligatan kayu gapu si mangwaanyu si ustu, kapipian kayu. Achi kayu umogyat kan chicha ya achi kayu manchaleg,

Revelation 2:10

Ked ibyegak kan chikayu un achi kayu umogyat kan cha losan un ligat un umali kan chikayu. Ti si Satalas, pachasola kaalon chi pammatiyu ked mangwa si mibyaɏuchenyuʼn uchum. Ngim simpuɏuʼn eɏgew chi mapampaligatanyu ked abusla. Popotpotanyu pammatiyu kan sakon, ulay siya ikatoyyu, ked gunggulaak chikayu si mallalayun un biyeg si umaliʼn eɏgew.