Luke 12:18 - Lubuagan Kalinga

¹⁸ Kamatla kook. Byakasok chi aɏangku ya mampauchak si chakchakeɏ ta mangiponpolak si apitku ya kukkuwak.

Luke 12:18 ပူးပေါင်းရင်းမြစ်များ

James 3:15

Ha katchiʼn laing ked chakampun un lampeɏpu kan Apudyus, ngim lampeɏpu si somsomok chi tagu, un lailubungan ya lampeɏpu kan Satalas.

James 4:15

Katla otyan chi ibyegayu, “Lu ipalubus Apudyus, matatagu kami ked koonmi cha katla willu katchi.”

Luke 18:6

Ot kalan Apu Jesus, “Chongɏonyu ked chi imbyegan chi lawwing un kuis.

Luke 12:21

Ot inyalungus Jesus imbyega, “Katchi makwa kan cha tagu un mangakokos si amod un bilaklang, ngim kapuscha kan Apudyus.”

Luke 18:4

“Labyeyeg un achipun chi kuis ilas-asikasu siya, ngim si alungusla kalala si somsomokla, ‘Ulay lu lappun ogyatku kan Apudyus ya lappun kabibìilak kan cha tagu,

Matthew 6:26

Itullongyu ked cha sissiwit un sintatayap, achipuncha mammuɏa ya man-apit ya achipuncha malepon si aɏang. Ngim pakalan Amayuʼd langit chicha. Ha chakampun kamman un lapotpotog kayu kan Apudyus lu cha allaʼn sissiwit?

Luke 12:17

Lansomsomok siya ot kalala, ‘Simman li kook? Ti kuɏang chi mangiponpolak si achuʼn apitku.’

Luke 12:19

Ked kalak si long-egku, ‘Kapipialak, ti wechewed losan cha kasapuɏak si katawo-tawon. Lalam-ay chi biyegku, manga-mangalak, umilu-ilumak ya ganggalasok chi biyegku!’

Luke 12:24

Itullongyu ked cha gayang, achipun cha mammuɏa willu man-apit. Lappun aɏangchà mangiponpolancha si apitcha, ngim pakalan Apudyus chicha. Lapotpotog kayu kan Apudyus lu cha sissiwit.

James 4:13

Chongɏonyu, chikayuʼn mangibyegbyega un, “Katla koonmi: Si salaʼn eɏgew willu bigat ingkami si osaʼn ili ked inggew kami udchi si masintawon ked mallaku kami ta machog-an chi pilakmi.”