Luke 11:9 - Lubuagan Kalinga

⁹ “Ked ibyegak kan chikayu, lu awed masapuɏyu, kochewonyu kan Apudyus ot idchola kan chikayu. Lu awed singtonyu, maochesanyu. Ked lu mangkongkong kayu si sawang, milukat kan chikayu.

Luke 11:9 ပူးပေါင်းရင်းမြစ်များ

Matthew 21:22

Lu awed pammatiyu kan Apudyus, idchola losan un chawatonyu si luwalu.”

Matthew 21:31

Silu kan cha hachiʼn chuwa lalungpeɏ si pion amacha?” Summongbyatcha, “Ha panguɏu.” Ot kalan Jesus kan chicha, “Tuttuwa ibyegak kan chikayu un cha mangkaɏawing un tagu un isun cha manchachagup si bugis ya cha puta, umun-ulacha lu chikayu mipati si Mampangatan Apudyus.

Matthew 6:29

Ngim ibyegak kan chikayu un ulay si Ari Solomon un kabyaklangan, lappun silupla si labibbiɏu lu cha allaʼn sabsabung.

Mark 11:24

Ked ibyegak kan chikayu, lu silu chawatonyu kan Apudyus si luwalu, patiyonyu un maatod kan chikayu, ked awatonyu.

Mark 13:37

Ha ibyegak kan chikayu, ked ibyegak kan cha losan un tagu: Sasaggalaonyu!”

Luke 11:10

Ti losan un mangkochew kan Apudyus, maatod chi kochewola, ked ha mansingit si piolaʼn sington, maochesala, ya milukat chi sawang kan cha losan un mangkongkong.

John 14:13

Ked lu silu chawatonyu kan Ama gapu si ngachenku, kook ta michayaw si Ama gapu si Alakla.

John 15:16

Chakampun un chikayu lamili kan sakon, ngim sakon chi lamili kan chikayu. Imbuunku chikayu ta ingkayu ya mamunga-bunga kayu si achu. Ked mantuɏuy otyan chi bungayu. Ta ulay lu silu chawatonyu kan Ama mipagapu si ngachenku, idchola kan chikayu.

John 15:7

Lu iinggew kayu kan sakon ya iinggew bo ugudku kan chikayu, manchawat kayu si pionyu, ked maatod kan chikayu.

John 4:10

Ot summongbyat si Jesus kan siya, “Lu ammum otyan chi maatod Apudyus kan sika ya lu siluwak un mangkochew si chelum, mangkochewka otyan kan sakon ta idchek sika si chelum un mangtod si biyeg.”

Romans 2:7

Ngim cha taguʼn mangipapati un mangwa si bibiɏu, michayaw, mapotgen ya makakuwacha si biyeg un mallalayun. Ti chicha mangidchen Apudyus si mallalayun un biyeg.

2 Corinthians 6:2

Ti kalan Apudyus, “Chingngeɏk chi chilawatyu, hachi ustuʼn timpu un kacheguwak chikayu, ked tuɏungak chikayu lu chumtong chi eɏgew un malaguwak kan chikayu.” Ked chongɏonyu, sala ustuʼn timpu un mangawatanyu si kachegun Apudyus, ti sala ustuʼn eɏgew un mataguwanyu!

Hebrews 11:6

Ked lappun tagu si makaay-ayu kan Apudyus lu lappun pammatila. Ti lu silu umachali kan Apudyus, masapuɏʼn patiyola un awed si Apudyus ya gunggulaala cha mangipapati mansingit kan siya.

Hebrews 4:16

Ked mantegod taku un umacheliʼn malluwalu kan Apudyus un malagchegu, ta awaton taku kachegula ya tuɏungla kan chitaku si timpu un kasapuɏan taku.

James 1:5

Lu awed kan chikayu mangkuɏang si laing, masapuɏʼn malluwalu kan Apudyus ot maatod kan siya, ti lalaay si Apudyus kan cha losan un taguʼn manchawat kan siya.

James 5:15

Ked gapu si luwalucha un mamaticha kan Apudyus, makaan chi sakitla ti kaalon Apudyus ya pakawalola bo cha byasuɏla.

1 John 3:22

Ked idchola ulay silu kochewon taku kan siya, ti tuttuwaon taku cha bilinla ya siyad koon taku cha mampagalas kan siya.

Revelation 2:24

“ ‘Ngim cha uchum kan chikayu utlat Thyatira, un achipun laluɏut si tudtuchun chi hachiʼn byebyai ya achipun langacheɏ kan cha kalanchaʼn lachaɏom un tudtuchun Satalas, ha ibyegak kan chikayu, achipunku chog-an cha ligatyu.