Luke 11:31 - Lubuagan Kalinga

³¹ “Lu chumtong chi Eɏgew un Manguisan Apudyus kan cha losan un tagu, lumoswa byebyaiʼn Reyna ud Sheba ta pabyasuɏon chikayu un tagu si salaʼn lolap. Ti ulay lu adchayuwan chi lampeɏpuwalaʼn ili, ummoyla inggettok chingngeɏ lasilib un tudtuchun Ari Solomon. Ibyegak kan chikayu, awed si sala utla chi langatngatu lu Ari Solomon.

Luke 11:31 ပူးပေါင်းရင်းမြစ်များ

Romans 2:27

Ked cha Gentil ulay lu achipuncha lasogyatan, ngim tutungpaɏoncha lintog, chicha malusa kan chikayuʼn Judio. Ti chikayu, ulay lu lasogyatan kayu ya awed bo liigiliʼn lintog kan chikayu, ngim siluplingyu lintog!

Luke 3:22

Ot ha Ispiritun Apudyus lan-osog ot lallap-oy kan siya un isun chi kalapati. Ot ladngeɏ ginga un lampeɏpuʼd langit un kalala, “Sika Alakkuʼn tagtagopok ya masmas-omak.”

Matthew 12:42

Si hachiʼn eɏgew un manguisan Apudyus kan cha tagu, lumoswa byebyaiʼn Reyna ud Sheba si awi, ked pabyasuɏon chikayuʼn tagu si salaʼn lolap. Ti ulay lu adchayuwan chi lampeɏpuwalaʼn ili, ummoyla inggettok chingngeɏ lasilib un tudtuchun Ari Solomon. Ngim chikayu, ulay allat kan chikayu si sala langatngatu lu si Solomon, achipunyu chongɏon.”

Hebrews 11:7

Gapu si pammati, chingngeɏn Noah impatubgan Apudyus mipanggop si makmakwa si umaliʼn eɏgew ulay achipunla intullong. Ot lampaud si chakeɏn bapur ta mataguchaʼn simbyeyan. Ked gapu si pammatila, impailala un lawwik chi lubung. Ked siya imbilang Apudyus un lalintog gapu si pammatila.

Luke 9:35

Ot ladngeɏcha ginga un lampeɏpu si libuu, un kalala, “Allaya Alakkuʼn chilutukak. Chongɏonyu siya.”