Luke 11:20 - Lubuagan Kalinga

²⁰ Ngim lu peɏyawok cha aɏan gapu si kilabyelin Apudyus un awed kan sakon, alliya mangipaloklok un gummatong kan chikayu Mampangatan Apudyus.

Luke 11:20 ပူးပေါင်းရင်းမြစ်များ

Matthew 12:28

Ngim ha katuttuwaala, ha Ispiritun Apudyus chi langatod si kilabyelinku un mameɏyaw si aɏan, ked siya mangipaloklok un gummatong chi mampangatan Apudyus kan chikayu.”

Matthew 3:2

Kalala, “Ibyabyawiyu cha byasbyasuɏyu ti chanchali Mampangatan Apudyus.”

Matthew 4:24

Ked lanchilongeɏ pin-an Jesus killingwa si cha losan un iliʼd Syria. Hachi gapulaʼn lan-iyoy cha tagu kan cha losan un lasakit, un lakalakalasi sakitcha ya ligatcha, isun cha laaɏan, laketoy ya lapalalais, ot pilalin-awan Jesus chicha.

Luke 10:11

‘Ulay chi tapuk si iliyu un pillumkot si ikimi pukpukanmi ta mangammuwanyu un kiged kayu si machusaanyu. Ngim ammuwonyu otyan un chanchali gumatngan chi Mampangatan Apudyus kan chikayu, ngim ilissanyu.’

Luke 10:9

Palin-awaonyu cha lasakit si hachiʼn ili ya ibyegayu kan chicha, ‘Chancheli gumatngan chi Mampangatan Apudyus kan chikayu.’

Luke 11:21

“Miyalig si Satalas un taguʼn mangkoscheɏ un lan-eemas, un byebyentayala byeɏoyla, ked lappun man-akaw kan cha kukkuwala.

Acts 20:25

“Chikayu illiinggewak si langibyegbyeg-ak si mipanggop si Mampangatan Apudyus, ked si sala ammuk un achipun taku man-asitullong kasin.

2 Thessalonians 1:5

Hachi maluttuwaanmi un lalintog chi mangkukuis Apudyus kan cha losan un tagu, taplu lumbong kayu si mipatiyanyu si mampangatan Apudyus, ti siya maligligatanyu.