Luke 11:2 - Lubuagan Kalinga

² Kalan Jesus kan chicha, “Lu malluwalu kayu, katla koonyu: ‘Amami, machaychayaw otyan chi ngachenlu. Chumtong otyan chi Mampangatam utla pita.

Luke 11:2 ပူးပေါင်းရင်းမြစ်များ

Matthew 10:32

Intuɏuy Jesus un kalala, “Lu silu mangitakcheɏ kan sakon si sangwalan cha tagu, takcheɏak bo siya si sangwalan Amak ud langit.

Matthew 3:2

Kalala, “Ibyabyawiyu cha byasbyasuɏyu ti chanchali Mampangatan Apudyus.”

Matthew 5:16

Kamatchi bo un kasapuɏan un silawanyu cha tagu ta mailacha bibiɏuʼn ugaliyu ked siya mangichayawancha kan Apudyus un Amayuʼd langit.”

Luke 11:1

Si osaʼn eɏgew, ummoy lalluwalu si Jesus si osaʼn lugeɏ. Ot lagamput pun, kalan chi osaʼn disipulusla kan siya, “Apu, tudtuchuwam u chikami un malluwalu un isun chi intudtuchun John kan cha disipulusla.”

Romans 1:7

Ked hachi gapulaʼn maluɏatak kan chikayu losan un ay-ayaton Apudyus ya chilutukala un mantagula utlat. Iluwaluk ta tuɏungan chikayu losan kan Ama takuʼn Apudyus ya Apu takuʼn Jesu Kristu, ya palin-awaoncha somsomokyu.

Romans 8:15

Ti ha Ispiritun Apudyus un laatod kan chitaku, chakampun un mammusassuwon chitaku ta umogyat taku kan Apudyus. Ngim mambyalilola chitaku aalak Apudyus. Ked gapu si kilabyelin chi Ispiritu, hachi mangawagen taku kan Apudyus, “Ama!”

1 Corinthians 1:3

Sapay otyan ta kacheguwan chikayu kan Ama takuʼn Apudyus ya Apu Jesu Kristu, ya palin-awaoncha somsomokyu.

2 Corinthians 1:2

Ked iluwalumi kan Apudyus un Ama taku ya Jesu Kristu un Apu taku ta kacheguwancha chikayu ya palin-awaoncha bo somsomokyu losan.

Galatians 1:4

Si Jesu Kristu un Apu taku, inchuyala long-egla un matoy gapu si byasuɏ taku, ta maseɏaklibyen taku si salaʼn kilalawwing un makmakwa si allaʼn pita. Killingwan Jesu Kristu cha allaya ta matungpeɏ cha pion Ama takuʼn Apudyus.

Ephesians 1:2

Iluwaluk ta kacheguwan chikayu losan kan Ama takuʼn Apudyus ya Apu Jesu Kristu, ya palin-awaoncha somsomokyu.

Philippians 1:2

Iluwaluk ta kacheguwan chikayu kan Ama takuʼn Apudyus ya si Apu Jesu Kristu ya palin-awaoncha somsomokyu.

Philippians 4:20

Ked chaychayawon taku si Apudyus un Ama taku ing-inggala. Amen.

Colossians 1:2

Allaya suɏatmi kan chikayuʼn susuludmi utlat Colossae un tagun Apudyus un malagpatiʼn mamotog kan Kristu. Iluwaluk ta kacheguwan chikayu losan kan Ama takuʼn Apudyus, ya palin-awaola somsomokyu.

1 Thessalonians 1:1

Sakon si Paul ya biɏunku cha Silas kan Timothy. Allaya suɏatmi kan chikayuʼn pin-a manchetchetong utlat Thessalonica un litimpuyug kan Apudyus un Ama ya Apu Jesu Kristu. Iluwaluk kan Apudyus ta kacheguwan chikayu ya mallin-awaola biyegyu.

1 Thessalonians 1:3

ti sosomkonmi cha bibiɏuʼn pin-ayu koon mipagapu si pammatiyu ya ha kilalagpotyu un mansimbi gapu si ayatyu kan Apudyus ya kilaalusyu un lampeɏpu si lamlamayu kan Apu takuʼn Jesu Kristu.

2 Thessalonians 2:16

Iluwaluk kan Apu takuʼn Jesu Kristu ya Ama takuʼn Apudyus ta pakoskoscheɏoncha somsomokyu ya tuɏungan chikayu taplu pasig bibiɏu cha losan un koonyu ya ibyegayu. Impailan Apudyus chi ayatla kan chitaku, ya mipagapu si kachegula langidchela si masegagen taku un lappun kigedla ya ha bibiɏuʼn lamlama taku.

Revelation 11:15

Lagamput pun losan cha hachi, pilagingan chi mikapituʼn anghel chi tangguyubla, ot chingngeɏk cha achu ya chakeɏʼn ginga ud langit un kalancha, “Inggala si sala, lappun uchum si mangipangat kan cha losan un tagu lu achi abus chi Apu takuʼn Apudyus ya hachiʼn imbuunla utla pita un Kristu, ked siya manturay si ing-inggala!”

Revelation 15:4

Lappun achi umogyat kan sika si sala, Apu! Ya lappun bod achi mangibyega si kilangatum, ti lappun miyisuwan chi kilabiɏum. Ked cha losan un tagu si lubung, umalicha losan un malaychayaw kan sika ti laawatanchaʼn ustu-ustu cha losan un pin-am koon.”

Revelation 19:6

Ot si hachi, chingngeɏk bo isun chi gingan cha achu-achuʼn tagu, un isun chi alaas chi tumeteub un chelum ya isun chi kichung chi kuchuɏ, un ip-ipkawcha, “Machaychayaw si Apudyus! Ti siya abus chi mallakabyelin un Apu taku un mangituray kan cha losan!

Revelation 20:4

Ot si hachi, intullongku cha uchum un aammuyan cha ari ked cha hachiʼn ummaammuy, laidchencha si kalobbongan un manguis. Ya intullongku bo kalichodwan cha lapatoy gapu si langibyegbyeg-ancha si ugud Apudyus ya katuttuwaan mipanggop kan Jesus. Chicha bo cha achipun lalayaw si hachiʼn kaog-ogyat un ayam ya silan-ayam un issu-issula, ya achipuncha bo impameɏka kicheycha ya imacha si meɏkala. Ked losancha ummuli latagu ya lakaturaycha kan Jesu Kristu si sillibuʼn tawon.