Luke 10:6 - Lubuagan Kalinga

⁶ Ked lu pionchaʼn mammangili kan chikayu, tuttuwaʼn binchisyulan Apudyus chicha. Ngim lu achipun cha sumayakaw, mangulin kan chikayu ibinchisyun Apudyus kan chicha.

Luke 10:6 ပူးပေါင်းရင်းမြစ်များ

Luke 10:5

Lu lumlok kayu si osaʼn byeɏoy, ulaonyu ibyega si cha inggew un, ‘Si Apudyus chi awed kan chikayu.’

Luke 10:7

Ked lu mangiliyon chikayu, inggew kayu si hachiʼn byeɏoy. Achi kayu man-attu-attun. Lu silu ichuslugcha un kalonyu ya ilumonyu, achi kayu mangamili si kalonyu ti hachi byetug chi labbuyu. Ti lobbonglan matangchelan cha mangkawachi.

Ephesians 5:6

Allechenyu ta achi kayu maallilaw kan cha masikap un mangibyega si chakampun un tuttuwa. Ti cha achipun mamati si katuttuwaan, sigulachuʼn apitoncha sangan Apudyus.

2 Thessalonians 3:16

Iluwaluk kan Apu takuʼn Jesus un puun chi lumin-awaan taku, ta pasigla mallin-awaon cha somsomokyu ulay silu makwa. Ya pasig iinggew kan chikayu losan.

James 3:18

Ked lu mapalin-awa taku cha uchum, isun chi lammuɏa taku si lumin-awaan, un siya ibungala kilalintog un bibiɏuʼn angwat.

1 Peter 1:14

Aalak chikayu kan Apudyus, ked masapuɏʼn tuttuwaonyu siya. Ked achiyu ipalubus chi long-egyu un iturayan cha lawwing un sigud un pipionyu si chaampunyu mangagammuwan si katuttuwaan.