Luke 10:3 - Lubuagan Kalinga

³ Ot pilalibbyat Jesus chicha, “Ingkayu! Ibuunku chikayu kan cha lawwing un tagu un isuyu keɏlilun likamos kan cha kaog-ogyat un laatap un asu.

Luke 10:3 ပူးပေါင်းရင်းမြစ်များ

Matthew 10:16

Ot intuɏuy Jesus un kalala, “Somsomkonyu cha alla. Ibuunku chikayu kan cha lawwing un tagu un isuyu keɏlilu un umoy si inggewan cha atap un asu. Ked masapuyʼn lasilib kayu un isun chi uɏog ya laamu kayu un isun chi kalapati.

Matthew 10:22

Ked lawingon chikayu kan cha losan un tagu gapu kan sakon. Ngim lu silu mangipapati si pammatila kan sakon inggalà alungusla, chicha matatagu ing-inggala.

Matthew 7:15

Intuɏuy bo Jesus kalan un, “Allechenyu cha silan propeta. Umalicha kan chikayu un agin-uk-ukoy un isun chi keɏlilu, ngim ha katuttuwaan, isucha atap un asuʼn kuman.

Luke 10:4

Achi kayu mangiyawit si pilak, pasiking, sancheɏ ya achi kayu makaug-uggud kan cha tagu si chaɏan.

John 10:12

Ha matangchelan un man-aachug, telala ya umawid lu itullongla cha atap un ayam un umali, ti chakampun un ustun man-aayyuwan ya singkuwa kan cha keɏlilu. Ked ha atap un ayam, kalola uchum un keɏlilu ya pilabuɏakala chicha.

John 15:20

Somsomkonyu imbyegak kan chikayu, un lappun bubùulon un langatngatu lu ap-apula. Lu pilaligatancha sakon, paligatancha bo chikayu. Lu tiluttuwacha intudtuchuk, tuttuwaoncha bo chikayu.

John 16:2

Peɏyawoncha chikayu si sinagoga. Ked chumtong chi timpu un mangtoyancha kan chikayu, ked kalanchaʼn kooncha chi alla un mansimbi si pion Apudyus.

Acts 20:29

Ammuk un lu umoyolak, umali cha tuntullin mimistulu manyam-an kan chikayu, un isucha laatap un asu, ked lappun kacheguwancha.

Acts 9:16

Ya ipailak kan siya cha losan un mapaligatala gapu kan sakon.”

Acts 9:2

ot lampakwa si suɏat kan cha papangat cha sinagogan cha Judio ud Damascus, taplu mapalubusan un manchokma si ulay siluʼn maochesala un mamati kan Jesus, leɏaki man willu byebyai ked iyoyla chicha ibyaɏud ud Jerusalem.