Luke 10:22 - Lubuagan Kalinga

²² Intuɏuy Jesus un lan-ugud, “Impiyeɏn Amak cha losan kan sakon. Lappun uchum si langagammu si kila-Apudyusku lu achi abus si Ama un Apudyus. Ya lappun bo uchum si mangagammu kan Ama un Apudyus lu achi abus chi Alak ya cha pililiyak un mangipakaammuwan.”

Luke 10:22 ပူးပေါင်းရင်းမြစ်များ

Matthew 11:25

Oli pun lalluwalu si Jesus un kalala, “Ama, un Ap-apu ud langit ya pita, manyamalak kan sika, ti impakaammum chi katuttuwaan kan cha achipun lakaacheɏ un inlimodlu kan cha masisilib ya cha lakaacheɏ.

Matthew 11:27

Lagamput pun lalluwalu si Jesus, kalala kan cha tagu, “Impiyeɏn Amak cha losan kan sakon. Lappun uchum si langagammu si kila-Apudyusku lu achi abus si Ama un Apudyus. Ya lappun bo uchum si mangagammu kan Ama un Apudyus lu achiyak abus un Alakla ya losan un taguʼn pililiyak un mangipakaammuwak si mipanggop kan siya.”

Matthew 28:18

Ot ummachali si Jesus kan chicha ot kalala, “Laatod kan sakon cha losan un kalobbongan ud langit ya utla pita.

John 1:18

Lappun tagù langitullong kan Apudyus, ngim abus chi ossaan un Alakla un kadwan Amala, siya langipakaammu kan siya.

John 10:15

Ked isula boʼn tagammuwak si Ama, ya tagammuk bo si Ama ked ichuyak chi biyegku para kan cha keɏlilu.

John 13:3

Ammun Jesus un illidchon Amala kan siya cha losan un kilabyelin. Ammula bo un Apudyus chi leɏpuwala ya siya bo mangulilala.

John 17:10

Ti losan un mamati kan sakon, tagum chicha, ya taguk bo chicha. Ked michaychayawak kan chicha.

John 17:2

Ti illidchom kan sakon chi kalobbongan un manturay kan cha losan un tagu ta idchek si biyeg un mallalayun cha losan un impiyeɏm kan sakon.

John 17:26

Impakaammuk sika kan chicha, ked ituytuɏuyku ipakaammu taplu ha ayatlu kan sakon, awed kan chicha ya awechak bo kan chicha.”

John 17:5

Ked si sala, Ama, pachayawam sakon si sangwalam, un isun chi langipachayawam kan sakon si inggewak kan sika si chaampun chi lubung makwaan.

John 3:35

Amod chi ayat Apudyus un Ama kan Jesus un Alakla ot impuɏangla cha losan kan siya.

1 Corinthians 15:24

Ked lu gumatong chi alungusla, hachi mangɏogen Kristu kan cha losan un turay ya losan un kalobbongan ya pallakabyelin. Ked lu magamput, ipuɏangla bo cha losan kan Amalaʼn Apudyus si Mampangatala.

2 Corinthians 4:6

Ked si Apudyus chi langibyega un, “Lumoswa laweg ta malawagen chi gikbot!” Siya bo manlaweg si somsomokmi ta ipailala mipagapu kan chikami kilachayaw Apudyus un maila si lupan Kristu.

Ephesians 1:21

Ked inggan chi lallugiyan chi lubung inggala si sala ya umaliʼn eɏgew, lappun miyisuwan chi kilangatun Jesu Kristu, ti siya kangatuwan kan cha losan un alla kilabyelincha un manturay utla pita ya ulay ud langit, ti siya kangatuwan kan cha losan un papangat ya losan un aɏan kan ulay siluʼn ibyegan chi tagu.

Hebrews 2:8

Ya chicha lanturayom kan cha losan un killingwam si allaʼn pita.” Hachi kalala un impaituray Apudyus si tagu cha losan un awed ked piolaʼn uguchon un chumtong chi eɏgew un iturayan chi tagu cha losa-losan. Ngim ha katuttuwaala, achipun taku pay laing maila un iturayan chi tagu cha losan un killingwan Apudyus.

1 John 5:20

Ya ammu taku bo un ummali Alak Apudyus utla pita ked lilawagela somsomok taku taplu ammuwon taku tuttuwaʼn Apudyus. Ked litimpuyug taku kan siya un tuttuwaʼn Apudyus ti litimpuyug taku si Alakla un si Jesu Kristu. Siya tuttuwaʼn Apudyus ya siya lampeɏpuwan chi biyeg un mallalayun.

2 John 1:9

Ulay siluʼn tagu, lu achipunla suɏuton chi intudtuchun Kristu, ngim chog-ala, achipunla ammu si Apudyus, Ngim ha mangituytuɏuy un sumuɏut si intudtuchun Kristu, si Apudyus un Ama ya si Jesu Kristu un Alakla iinggew kan siya.