Luke 10:20 - Lubuagan Kalinga

²⁰ Ngim achipun kayu otyan manggalas gapu ta tummuttuwa cha aɏan kan chikayu, ngim mangganggalas kayu ti lailista ngachenyu ud langit.”

Luke 10:20 ပူးပေါင်းရင်းမြစ်များ

Matthew 10:1

Lagamput ka hachi, ilayagen Jesus cha lasawaɏan si chuwaʼn disipulusla ot illidchela chicha si kalobbongan un mameɏyaw kan cha aɏan ya mangagas kan cha losan un kalasin cha sakit ya sigeb chi long-eg.

Matthew 26:24

Ti Sakon un Alak chi Tagu, mapatoyak ti siya liigili si ugud Apudyus. Ngim kadchegu taguʼn mangiyibit kan sakon. Un-ulloy chi achipun liyalak chi taguʼn hachi.”

Matthew 27:5

Ot ingkop-en Judas chi pilak si chaɏom chi templo ot ummoyon ot ummoy lamposeɏ.

Philippians 4:3

Ya ibyegak bo kan chikayu, biɏunku un lakakawachi kan sakon si allayaʼn ugud Apudyus, tuɏunganyu cha allaʼn byebyai ti tuttuwaʼn impapatichaʼn tummuɏung kan sakon si langibyegbyeg-ak si bibiɏuʼn chameg, un isun cha Clement ya cha allaʼn uchum un lakakawachi kan sakon, un lilista losan cha ngachencha si liblun chi biyeg.

Hebrews 12:23

Ummacheli taku si man-um-ummungan cha aalak Apudyus, un lililista ngachencha ud langit. Ya ummacheli taku kan Apudyus un manguis kan cha losan un tagu ya cha ispiritu cha lalintog un tagu un lambyalilon Apudyus lappun mangkuɏangancha.

Revelation 13:8

Ked losan un tagu utla pita chayawoncha siya, lalaksig kan cha taguʼn lilista ngachencha si hachiʼn libluʼn chi Keɏlilu un lapatoy. Ti lalipud si chamchamun cha losan, lagamput lilista si liblu ngachen cha losan un laidchen si mallalayun un makataguwan kan Apudyus.

Revelation 17:8

Halat un kaog-ogyat un ayam, illinggew si allaʼn pita si sin-eɏgew ngim lappun si sala. Ngim kasin lumoswa si umaliʼn eɏgew un mampeɏpu si abut un lappun kiged chi kilachaɏomla. Ked cha losan un tagu si allaʼn pita un achipun lilista ngachencha si hachiʼn libluʼn chi biyeg lalipud si chamchamun chi lubung, maschaawchaʼn mangitullong si hachiʼn kaog-ogyat un ayam lu kasin lumoswa. Ngim ha lumoswaala, mibyellu bo ud impiyeɏlu.

Revelation 20:12

Oli pun bo intullongku cha losan un langkakatoy un tagu un lipasangu si hachiʼn umaammuy, ked wechewed cha langangatu ya labyabya, ya ulay bo cha hachiʼn langkakatoy si byeybyey, ked lummoswacha losan, ya ulay bo cha losan un langkakatoy un illinggew ud Hades un inggewan cha latoy. Ked summisikedcha si sangwalan chi hachiʼn ummaammuy, ot labuktan chi liblu un liigiliyan cha losan un killingwan cha tagu. Ya labuktan bo osaʼn liblu un liigiliyan cha ngachen cha losan un makatagu kan Apudyus si ing-inggala. Ot lakuis losan cha hachiʼn ummuli latagu, ked laibyeseɏ si killingwacha si katattagucha, un liigili si hachiʼn liblu.

Revelation 20:15

Ti cha losan un tagu un lappun ngachenla si hachiʼn liblu un liigiliyan cha losan un makatagu kan Apudyus, chicha mibyellu si hachiʼn apuy un isun chi byeybyey.

Revelation 21:27

Ngim achipun makwa un lumlok cha losan un achipun lapeɏkas si sangwalan Apudyus, isun cha matuli ya mangwa si kabibiin. Ti abus cha lilista ngachenla si liblun chi biyeg un ay-ayyuwalan chi Keɏlilu makaslok si hachiʼn siudad.

Revelation 3:5

Ked cha tagu un illogcha lawwing, isula boʼn masilupancha si mamputilak. Achipunku kaalon chi ngachencha si libluʼn lilistaan cha ngachencha losan un makatagu kan Apudyus si ing-inggala, ti siyad ibyegak si sangwalan Ama, ya cha hachiʼn anghelesla, chicha taguk.