Luke 10:2 - Lubuagan Kalinga

² Kalalaʼn lan-alig kan chicha, “Achu-achu cha maali, ngim akit cha man-ali. Ked manchawat kayu kan Apudyus un singkuwa kan cha laoy un maali ta mangibuun si achuʼn man-ali.”

Luke 10:2 ပူးပေါင်းရင်းမြစ်များ

Matthew 20:1

Kalan Jesus, “Ha Mampangatan Apudyus ked miyalig si osaʼn tagu un lakawisngit ummoy lalangchen si mangkawachiyola si limuɏalaʼn grapes.

Mark 13:34

Ha gumatngak, ked isun chi taguʼn ummoy lambyaat. Ked lu umoyon, impiyeɏla kan cha bubùulola losan un biyangcha. Bililola man-aachug si sawang ta sasaggalaola.

Mark 16:15

Ot kalala kan chicha, “Ingkayu si intilun chi lubung ta ibyegbyegayu chi Bibiɏuʼn Chameg kan cha losan un tagu.

Mark 16:20

Ot ummoy cha disipulusla imbyegbyega Bibiɏuʼn Chameg kan cha tagu si losan un ili. Ot tiluɏungan Apu Jesus chicha ya pilaloklokala ugudla gapu si lakaskaschaaw un killingwacha.

Luke 9:1

Si osaʼn eɏgew, ilayagen Jesus cha lasawaɏan si chuwaʼn disipulusla ot illidchela chicha si kilabyelin ya kalobbongan un mameɏyaw kan cha aɏan ya mampalin-awa kan cha masakit.

Acts 11:19

Inggan chi lamatoyancha kan Stephen, lapalpaligatan cha mamati ot liwatawatakcha. Cha uchum ummoycha inggalaʼd Phoenicia, Cyprus ya Antioch. Ot imbyegbyegacha ugud Apudyus kan cha Judio abus.

Acts 13:2

Si osaʼn eɏgew un manchaychayawancha kan Apudyus ya lallaulancha, imbyegan chi Ispiritun Apudyus kan chicha, “Chutukanyu cha Barnabas kan Saul ti chicha pililiyak un mangwa si kawachiʼn imbilinku kan chicha.”

Acts 13:4

Ot imbuun chi Ispiritun Apudyus chicha ot ummoycha ud Seleucia ot lanlugencha si bapur un umoy ud Cyprus.

Acts 20:28

“Ammanyu allechen cha long-egyu ya cha losan un taguʼn impaayyuwan chi Ispiritun Apudyus kan chikayu, ti siya biyangyu un pangpangucha. Ayyuwalanyun ustu cha tagun Apudyus, ti silakala chicha si chaɏan chi mismuʼn Alakla.

Acts 22:21

“Ot kalala kan sakon, ‘Ingkan, ti ibuunku sika si adchayuwan si cha tagun Gentil.’ ”

Acts 8:4

Cha lawatawatak un mamati, imbyegbyegacha ugud Apudyus si losan un iliʼn ummoyancha.

1 Corinthians 12:28

Ked lantitimpuyugon Apudyus chitakuʼn ossaan un long-eg un langkangkalasi impabiyangla kan chitaku. Cha ummulaʼn chilutukala, cha allaʼn lan-apostolesla. Ked cha mikadwa, cha allaʼn propeta, ked cha mikatlu, cha mimistulu. Ya awed cha laidchen si kabyeeɏan un mangwa si kaskaschaaw, ya awed cha laidchen si kabyeeɏan un mampalin-awa kan cha masakit. Ya awed cha uchum un laidchen si kabyeeɏan un tumuɏutuɏung, ya awed cha uchum un laidchen si kabyeeɏan un mangipangpangu kan cha mamati, ya awed bo cha laidchen si kabyeeɏan un man-ugud si mansabsabyaliʼn ugud.

1 Corinthians 15:10

Ngim gapu si kachegun Apudyus kan sakon, bummaɏu kilatataguk, ked si sala cha losan un kook ya allaʼn kilasasaedku, mipagapu si tuɏungla kan sakon. Ked chakampun bo un kenga kachegula ti patungedku ipapati un mangwa si losan un pion Apudyus. Ked sin-umamod lin chi mangkakawachik lu ha mangkakawachin cha uchum un apostoles. Ngim chakampun un uwak un kalobbongan chi mangipapattiyak, ngim mipagapu si kachegun Apudyus.

2 Corinthians 6:1

Ked chikami un makakawachi kan Apudyus, mangkadkachegu kami kan chikayu ta achiyu mambyalilon chi kachegun Apudyus kan chikayu lappun simbila.

Philippians 2:21

Ti losan cha uchum, siyad somsomokcha bumaɏuwancha ked inwalincha mipanggop kan Jesu Kristu.

Philippians 2:25

Ked allaya bo si Epaphroditus, un sulud taku un imbuunyu utla ta tumuɏung kan sakon si losan un masapuɏk. Isun chi tuttuwaʼn suludku ti biɏunku un mansimbi kan Apudyus ya isun bod chi suɏchachun Apudyus. Ngim ha somsomokku, bibiɏu lin lu mangulilok siya si sala

Philippians 2:30

Ti siya, amas matoy gapu si mangwaala si kawachin Kristu, ti inchuyala biyegla si tummuɏungala kan sakon si lappulanyu.

Colossians 1:29

Hachi mangipapattiyak un mangwaan si losan ta matungpeɏ cha alla un useɏok chi mangkoscheɏ un pallakabyelin un illidchon Kristu.

Colossians 4:12

Si Epaphras un osa boʼn kailiyanyu, pakumustaola bo chikayu. Siya bo osaʼn bubùulon Jesu Kristu. Pasigla ipapati un mangiluwalu kan chikayu ta kumoscheɏ ya maangsan chi pammatiyu ked lappun mangkuɏanganyu un malungpeɏ si pion Apudyus.

1 Thessalonians 2:9

Susulud, ammuk un sosomkonyu mangkakawachimi si illinggewanmi utlat, un eɏgewonmi ya lablabiyonmi un langkawachi taplu chakampun un mambyalin kami palikut kan chikayu si mangibyegbyeg-anmi si bibiɏuʼn chameg un lampeɏpu kan Apudyus.

1 Thessalonians 5:12

Awed bo pionmiʼn chawaton kan chikayuʼn susulud. Bibiɏu lu potgonyuʼn ustu cha mangkawakawachi kan chikayu. Chicha mangichaychaɏan ya mangibyegbyega kan chikayu mipanggop si pammatiyu kan Apu Jesus.

2 Thessalonians 3:1

Susulud, ha alungus chi allaʼn suɏatmi kan chikayu, chawatonmi un iluwaluwanyu chikami taplu mampogos un mipachameg chi ugud Apu Jesus ya ipotog kan tuttuwaon cha tagu un isun chi killingwayu.

1 Timothy 4:10

Ipapati taku un mangwa si pion Apudyus ulay maligatan taku, ti mallamlama taku kan Apudyus un matattagu si ing-inggala, un siya Malagu kan cha losan un tagu, sinchumadlu cha mamati kan siya.

2 Timothy 4:5

Ngim sika, masapuɏʼn matingngem chi long-eglu, attomam ulay siluʼn ligat ya ipapatim un mangibyegbyega si bibiɏuʼn chameg ya koom losan cha akomlu un osaʼn mansimbi kan Apudyus.

Philemon 1:1

Sika Philemon un ay-ayatonmi ya biɏunmiʼn pin-a mantudtuchu si ugud Apudyus, ha allayaʼn suɏatmi kan sika, maatod bo kan cha suludmiʼn Apphia ya si Archippus un biɏunmi si kawachimi, ya cha losan un mamatiʼn pin-a manchetchetong uwayu. Sakon si Paul, un libyaɏud gapu si mamatiyak kan Jesu Kristu. Awed si Timothy utla un sulud taku.

Hebrews 3:6

Ngim si Jesu Kristu, mantegochen un Alak un mangayyuwan si paminyan Apudyus. Ked chitaku paminyan Apudyus lu ituɏuy taku un siteteɏod ya popotpotan taku lamlama taku.

Revelation 2:1

Ot kalala, Isuɏatlu alla si anghel un mangayyuwan kan cha mamatiʼd Ephesus: “ ‘Sakon si Jesu Kristu un mamangchon si pituʼn bituwon si machuwalan un imak, ya sakon bo manggagawa si pituʼn papattayan chi pagsilawan un bilalituk. Allaya ibyegak kan chikayu.