Luke 10:18 - Lubuagan Kalinga

¹⁸ Kalan Jesus kan chicha, “O, Illilak si Satalas un laodcheg lampeɏpuʼd langit un isun chi lasasliit un kilat.

Luke 10:18 ပူးပေါင်းရင်းမြစ်များ

Matthew 4:10

Summongbyat si Jesus un kalala, “Wissedka Satalas! Ti kalan chi liigiliʼn ugud Apudyus, ‘Chayawom si Apu un Apudyuslu ya siya abus chi mansimbiyam.’ ”

John 12:31

Ti sala timpu un machusaan cha tagu utla lubung. Sala bo maabyakan Satalas un sinturay utla lubung.

John 16:11

Lu mipanggop si manchusaan Apudyus kan cha tagu, ipaloklokla un lagagamput lakodchongan si Satalas un ap-apun cha achipun mamati.

Hebrews 2:14

Gapu ta tagu cha allaʼn aalak un makwaʼn matoy, lambyalin bo si Jesus tagu un isucha. Killingwala alla taplu gapu si matoyala, abyakola si Satalas un alla kilabyelinla si otoy,

1 John 3:8

Ngim ha mangituɏutuɏuy makabyasuɏ, litimpuyug kan Satalas un siya diablo, ti ha diablo, sigud un lakabyasuɏ malipud si chamchamu. Ked hachi gapun chi ummaliyan chi Alak Apudyus utla pita, taplu yam-alola cha losan un pin-an chi diablo koon.

Revelation 20:2

Ot chilokmaala dragon, hachiʼn uɏog si awi un kalanchaʼn Satalas, ot kilawaɏala. Ot imbyellun chi hachiʼn anghel siya si abut un lappun kiged chi kachaɏomla, ot inchakigla ya ingkanyachula taplu achipunla kasin sallutan cha tagu utla pita inggala lumaus chi sillibuʼn tawon. Ked lu magamput chi sillibun tawon, masapuɏʼn kasin mibukat ngim sin-akitan.

Revelation 9:1

Oli ked pilagingan bo chi mikalimaʼn anghel chi tangguyubla, ot intullongku osaʼn anghel un isun chi bituwon un lampeɏpuʼd langit un laodcheg si pita. Ked laatod kan siya tebik chi olob chi abut un lappun kiged chi kachaɏomla.