Luke 10:17 - Lubuagan Kalinga

¹⁷ Langulin cha hachiʼn pitumpuɏu ya chuwa un imbuun Jesus un amod chi galascha. Ot kalancha kan Jesus, “Apu, ulay cha aɏan tummuttuwacha kan chikami si pileɏyawmi chicha si ngachenlu!”

Luke 10:17 ပူးပေါင်းရင်းမြစ်များ

Matthew 4:24

Ked lanchilongeɏ pin-an Jesus killingwa si cha losan un iliʼd Syria. Hachi gapulaʼn lan-iyoy cha tagu kan cha losan un lasakit, un lakalakalasi sakitcha ya ligatcha, isun cha laaɏan, laketoy ya lapalalais, ot pilalin-awan Jesus chicha.

Mark 16:17

Allaya cha sinyeɏ un ipailan cha lamati. Maidchencha si kalobbongan un mameɏyaw kan cha aɏan mipagapu si kilabyelin chi ngachenku ya makwaʼn man-ugudcha si sabyaliʼn ugud.

Luke 10:1

Lagamput ka hachi, chilutukan Apu Jesus cha pitumpuɏu ya chuwaʼn lelleɏaki. Ot silinchudwala imbuun chicha ta umun-ulacha umoy si kacha ili ya lugeɏ un simsimmokla un ayan.

Luke 10:20

Ngim achipun kayu otyan manggalas gapu ta tummuttuwa cha aɏan kan chikayu, ngim mangganggalas kayu ti lailista ngachenyu ud langit.”

Luke 10:9

Palin-awaonyu cha lasakit si hachiʼn ili ya ibyegayu kan chicha, ‘Chancheli gumatngan chi Mampangatan Apudyus kan chikayu.’

Luke 9:1

Si osaʼn eɏgew, ilayagen Jesus cha lasawaɏan si chuwaʼn disipulusla ot illidchela chicha si kilabyelin ya kalobbongan un mameɏyaw kan cha aɏan ya mampalin-awa kan cha masakit.

Romans 16:20

Achipun mabyeyeg, ked si Apudyus un mampeɏpuwan chi lin-awa ked abyakola si Satalas, un isun chi gussan taku siya. Sapay otyan ta kacheguwan Apu Jesu Kristu chikayu.

Ephesians 5:24

Ha isun chi mampakumbyabyaan cha mamati kan Kristu, katchi otyan chi isun chi mampakumbyabyaanyuʼn byebyai si asawayu.