Luke 10:1 - Lubuagan Kalinga

¹ Lagamput ka hachi, chilutukan Apu Jesus cha pitumpuɏu ya chuwaʼn lelleɏaki. Ot silinchudwala imbuun chicha ta umun-ulacha umoy si kacha ili ya lugeɏ un simsimmokla un ayan.

Luke 10:1 ပူးပေါင်းရင်းမြစ်များ

Luke 1:17

Umula siya gumatong lu si Kristu un Apu. Awed kan siya kilabyelin chi Ispiritun Apudyus un isun chi awed kan propeta Elijah. Mantimpuyugola cha somsomok cha man-aama ya ichaɏanla cha achipun tumuttuwa kan Apudyus ta ha somsomokcha isun chi somsomok cha lalintog un tagu ta iyalala chicha un manchongeɏ kan Apucha.”

Luke 1:76

Ot kalala bo si alakla, “Sikaʼn alakku, ngadlon chika osaʼn propetan chi Kangatuwan un Apudyus ti un-ulaom umoy iyala cha somsomok cha tagu si gumatngan chi Apu taku.

Luke 7:13

Intullong pun Jesus chi labyaɏu, kilacheguwala siya ot kalala, “Achika man-ibi-ibin.”

Luke 7:19

ot imbuunla chicha ta umoycha imuson kan Apu Jesus, “Sika kamma hachiʼn ingkarin Apudyus un umali willu man-uway kamì sabyali?”

Luke 9:52

Ot ilun-ulala imbuun cha uchum un bubùulola si osaʼn ili ud Samaria ta umoycha iyala cha tagu si gumatngala.