Luke 1:32 - Lubuagan Kalinga

³² Mipotpotog siya ked ngadloncha Alak Apudyus un kangatuwan ya koon Apudyus siya un Ari si lampangatan David un galakla si awi.

Luke 1:32 ပူးပေါင်းရင်းမြစ်များ

Matthew 1:1

Allaya listaan cha lampeɏpuwan Jesu Kristu un galak Ari David ya galak bo Abraham.

Matthew 12:42

Si hachiʼn eɏgew un manguisan Apudyus kan cha tagu, lumoswa byebyaiʼn Reyna ud Sheba si awi, ked pabyasuɏon chikayuʼn tagu si salaʼn lolap. Ti ulay lu adchayuwan chi lampeɏpuwalaʼn ili, ummoyla inggettok chingngeɏ lasilib un tudtuchun Ari Solomon. Ngim chikayu, ulay allat kan chikayu si sala langatngatu lu si Solomon, achipunyu chongɏon.”

Matthew 28:18

Ot ummachali si Jesus kan chicha ot kalala, “Laatod kan sakon cha losan un kalobbongan ud langit ya utla pita.

Matthew 3:11

“Bunyagek chikayu si chelum un mangipaila un lambyabyawi kayu kan cha byasbyasuɏyu. Ngim ha misagsagulud kan sakon, bunyagela chikayu si Ispiritun Apudyus ya apuy. Langatngatu siya si achayu lu sakon ked achipulak lumbong un mamigging si sancheɏla.

Mark 14:61

Ngim gummigillok si Jesus un lappun songbyatla. Kasin bo lan-imus chi kangatuwan un pachi kan siya, “Sika kamman si Kristu, un Alak chi machaychayaw un Apudyus?”

Mark 5:7

Ot kalan Jesus si aɏan un inggew si leɏaki, “Wissedka si allaʼn tagu!” Ot impakuy chi leɏakiʼn gumminga, “Simma piom un koon kan sakon, Jesus un Alak chi Kangatuwan un Apudyus? Kacheguwam sakon si ngachen Apudyus ta achim sakon paligatan!”

Luke 1:15

Ked si Apudyus, ibilangla siya langatu un tagu. Mipalit siya un umilum si byeyas willu cha uchum un bumuuk. Ha Ispiritun Apudyus awed kan siya ulay awed pay laing si buwang ilala.

Luke 1:35

Ot summongbyat chi anghel un kalala, “Umali Ispiritun Apudyus kan sika, ked gapu si kilabyelin Apudyus un kangatuwan tuɏungan chika ta makwaʼn mabugika. Ked ha alak un iyalaklu lappun byasuɏla ked ngadloncha siya Alak Apudyus.

Luke 1:76

Ot kalala bo si alakla, “Sikaʼn alakku, ngadlon chika osaʼn propetan chi Kangatuwan un Apudyus ti un-ulaom umoy iyala cha somsomok cha tagu si gumatngan chi Apu taku.

Luke 3:16

Ngim kalan John kan chicha, chakampun un sakon si Kristu. “Awed chi misagsagulud un langatngatu lu sakon, ked achipulak lumbong un mangukas si sancheɏla. Bunyagek chikayu si chelum, ngim siya bunyagela chikayu si Ispiritun Apudyus ya apuy.

Luke 6:35

Ngim chikayu, masapuɏʼn ayatonyu cha kabusuɏyu ya koonyu bibiɏu kan chicha. Pabuluchenyu cha mambulud kan chikayu, ulay lu achipun cha iyulin. Ti lu koonyu katchi, chakeɏ gunggulayu, ked mibilang kayu alak Apudyus un Kangatuwan. Ti kacheguwan Apudyus cha achipun manyaman ya cha lawwik un tagu.

John 12:34

Ot summongbyat cha tagu, kalancha, “Kalan chi lintog un matatagu ing-inggala si Kristu. Mugga in-ilolaʼn kalam buggey un masapuɏʼn mipangatu chi Alak chi Tagu? Silu hachiʼn Alak chi Tagu?”

John 6:69

Ked chikami, mamati kami kan ammumi un sika chi Lasantuwan un lampeɏpu kan Apudyus.”

Acts 16:17

Lituntun-ud kan chikami kan Paul, ked ip-ipkawla, “Cha allaʼn leɏaki ked bubùulon chi Kangatuwan un Apudyus, ibyegbyegacha kan chikayu chi chaɏan un mataguwan.”

Acts 2:30

Ngim gapu ta osaʼn propeta siya, ammula ingkarin Apudyus kan siya un awed chi osaʼn galakla un man-Ariyon Apudyus un misagulud kan siya.

Acts 2:36

Siya ipakaammuk kan chikayuʼn galak Israel, si Jesus un illansayu si krus, siya gettok un chilutukan Apudyus un Apu ya Messias.”

Acts 7:48

“Ngim si Apudyus un Kangatuwan, achipun inggew si byeɏoy un pilaud cha tagu, siya imbyegan chi osaʼn propeta,

Romans 1:4

ya ha kila-Apudyus Jesu Kristu, lipaila un siya Alak Apudyus si ummuliyala lataguwan gapu si pallakabyelin.

Revelation 3:7

Kalala, Isuɏatlu bo allaya si anghel un mangayyuwan kan cha mamatiʼd Philadelphia: “ ‘Sakon si Jesus un lasantuwan ya katuttuwaan. Sakon bo mamangchon si tebik chi Mampangatan Apudyus ud langit un miyalig si byeɏoy David. Ked lu sakon chi mangiwalit, lappun makaiyolob. Ked lu iyolobku, lappun bod makaiwalit. Ked allaya ibyegak kan chikayu.