Luke 1:2 - Lubuagan Kalinga

² Ha inggilicha ked chingngeɏmi kan cha langitullong si cha laoy malipud si luglugila ya cha langisuɏu mipanggop kan Jesus.

Luke 1:2 ပူးပေါင်းရင်းမြစ်များ

Mark 1:1

Allaya lallugiyan chi Bibiɏuʼn Chameg mipanggop kan Jesu Kristu un Alak Apudyus.

Mark 16:20

Ot ummoy cha disipulusla imbyegbyega Bibiɏuʼn Chameg kan cha tagu si losan un ili. Ot tiluɏungan Apu Jesus chicha ya pilaloklokala ugudla gapu si lakaskaschaaw un killingwacha.

Mark 4:14

Ha lanwagaweg, inwagawegla ugud Apudyus.

Luke 24:48

Ked chikayu malistigu si katuttuwaan cha losan un lakwa.

John 15:27

Ulay chikayu, itakcheɏyu bo mipanggop kan sakon, ti kiladkadwaanyu sakon malipud si chamu.”

John 16:4

Ngim imbyegak cha laoy kan chikayu ta lu chumtong chi timpu un mangwaancha, somsomkonyu un insigudku imbyega kan chikayu.” Achikpun imbyega cha laoy kan chikayu si chamu, ti awechak un sissiya kan chikayu.

Acts 1:3

Latoy pun ot latagu kasin, lampaila kan cha apostolesla ot achu killingwala un mangipaloklok un ummuli siya latagu. Si opatpuɏuʼn eɏgew langampigan lampaila kan chicha ya lantudtuchu mipanggop si Mampangatan Apudyus.

Acts 1:8

Ngim lu umali Ispiritun Apudyus kan chikayu, maidchen kayu si kilabyelin un mangibyegbyega kan cha tagu mipanggop kan sakon utla Jerusalem ya losan un ili ud Judea ya Samaria ya inggala si intilun chi lubung.”

Acts 14:25

Imbyegbyegacha ugud Apudyus ud Perga, ot lan-osogcha ud Attalia.

Acts 16:6

Ot ummoy cha Paul si iliʼn sakupon Phrygia ya Galatia, ti impalit chi Ispiritun Apudyus un mambyegbyega si ugud Apudyus ud Asia.

Acts 17:11

Cha Judio ud Berea, bibiɏu ugalicha lu cha iThessalonica, ti ammancha chongɏon chi ugud Apudyus ya ileɏgew un acha-achaɏoncha ta ilancha lu tuttuwa ibyegbyegan Paul.

Acts 26:16

Lumibbyatka, ti lampailaak kan sika ta chutukak sika un mansimbi kan sakon ya mangibyega kan cha tagu si cha intullonglu mipanggop kan sakon si salaʼn eɏgew ya cha asik ipaila kan sika si umaliʼn eɏgew.

Acts 4:20

Ti chikami, achipun makwaʼn iyageymi un mangibyegbyega si cha intullongmi ya chingngeɏmi kan Jesus.”

Acts 8:4

Cha lawatawatak un mamati, imbyegbyegacha ugud Apudyus si losan un iliʼn ummoyancha.

Romans 15:16

un bubùulon Jesu Kristu un tumuɏung kan cha Gentil. Mansimbiyak un isun chi pachi un mangibyegbyega si Bibiɏuʼn Chameg un lampeɏpu kan Apudyus, taplu mambyalin cha Gentil chatun un makaay-ayu kan Apudyus ya pilapeɏkas chi Ispiritula.

1 Corinthians 4:1

Ibilangyu otyan chikamiʼn apostoles un bubùulon Jesu Kristu, ked impiyeɏn Apudyus kan chikami biyang un mangipatigammu si tuttuwaʼn chaampun mipatigammu inggala si sala.

Hebrews 2:3

Ked lu kamatchi mipanggop si imbyegan cha anghel, sin-umamod un achipun taku malisiyan chi machusaan taku lu ipampaliwa taku chi kapotogen un mataguwan. Ti si Apu Jesu Kristu, siya chamuʼn langipatigammu si mataguwan taku, ked cha hachiʼn lanchochongngeɏ kan siya chicha bo langipatigammu kan chitaku si katuttuwaan.

1 Peter 5:1

Allaya cha tudtuchuk kan chikayuʼn mangipangpangu kan cha mamati utlat. Kalobbongak un maludtuchu kan chikayu ti sakon boʼn suludyu, osaak un mangipangpangu ya tistigu si lapaligatan Kristu, ked siya mipatiyak si machayawala un mipaila.

2 Peter 1:16

Ti cha impakaammumi kan chikayu mipanggop si pallakabyelin Apu takuʼn Jesu Kristu ya mangulilala kasin, chakampun un langlangwa kami si is-istorya, ti mismuʼn illiilan cha atami lummangɏangan chi kila-Apudyusla.