Luke 1:17 - Lubuagan Kalinga

¹⁷ Umula siya gumatong lu si Kristu un Apu. Awed kan siya kilabyelin chi Ispiritun Apudyus un isun chi awed kan propeta Elijah. Mantimpuyugola cha somsomok cha man-aama ya ichaɏanla cha achipun tumuttuwa kan Apudyus ta ha somsomokcha isun chi somsomok cha lalintog un tagu ta iyalala chicha un manchongeɏ kan Apucha.”

Luke 1:17 ပူးပေါင်းရင်းမြစ်များ

Matthew 11:14

Ked lu mamati kayu si imbyegacha, maawatanyu un ha impadtucha, si John chi Elijah un umali.

Matthew 14:4

Ti imbyegbyegan John kan Herod, “Lappun kalobbongam un mangasawa kan Herodias!”

Matthew 3:3

Si John chi hachiʼn ibyegbyegan propeta Isaiah un kalala, “Awed chi osaʼn tagu un inggew si lugeɏʼn lappun ummili un ip-ipkawla un, ‘Pabiɏuwonyu somsomokyu ya mansagala kayu un isun chi ileɏamyu chaɏan un ayon chi Ari.’ ”

Matthew 3:4

Ha silup John, lilagaʼn chutchut chi kameɏ, ked ha sintulunla gedchang, ha kakallola ked chuchun ya chilu.

Luke 1:16

Gapu si suysuɏula, achu cha galak Israel un mangulin kan Apudyus.

Luke 1:76

Ot kalala bo si alakla, “Sikaʼn alakku, ngadlon chika osaʼn propetan chi Kangatuwan un Apudyus ti un-ulaom umoy iyala cha somsomok cha tagu si gumatngan chi Apu taku.

John 1:13

Achipuncha mambyalin aalak Apudyus si sigud un miyalakan chi tagu willu miyalak un alak cha man-asawa, ngim mipagapu si pallakabyelin Apudyus.

John 1:34

Hachi intullongku, ked paloklokak kan chikayu un siya tuttuwaʼn Alak Apudyus.”

John 3:28

Chikayu ustuʼn mansistigu un imbyegak, ‘Chakampun un sakon chi Kristu, ngim imbuulak un umoy umun-ula lu siya.’

Acts 10:33

Ot kakmak impaayeg sika. Ked bibiɏu ta ummalika. Si sala awed kami losan si sangwalan Apudyus ta chongɏonmi losan cha imbilin Apudyus kan sika un ibyega.”

Romans 9:23

Ti piolaʼn ipaila kilachayawla un lappun miyisuwala, ot kilacheguwala cha taguʼn chilutukala un inyaallala chicha un mipati si machayawala.

Colossians 1:12

Ked pasig kayu manyaman kan Ama takuʼn Apudyus ti illidchen chitaku si kalobbongan un makatawid si ingkarila para kan cha tagulaʼn mipati si mampangatala un mampadcha.

2 Timothy 2:21

Siya bo si tagu, lu chuɏsala long-egla si lawwing, lapotog chi manguseɏan Apudyus kan siya, lichatun ya lakasagala un mansimbi si losan un panggop Apudyus.

1 Peter 2:9

Ngim chikayu pililiyan Apudyus un tagula ya papachiʼn chi Ari un mansimbi kan siya. Ya chikayu laapudyusan un tagula, mismuʼn tagun Apudyus, ti chikayu mangibyegbyega si lakaskaschaaw un killingwala. Illawala chikayu si gikbot ot inyatunla chikayu si lakaskaschaaw un padchala.

1 John 2:28

Ked chikayuʼn imbilangkuʼn aalakku, iinggew kayu kan siya taplu lateɏod kayu ya achipun kayu mabiin kan siya lu mangulin si umaliʼn eɏgew.

Revelation 20:4

Ot si hachi, intullongku cha uchum un aammuyan cha ari ked cha hachiʼn ummaammuy, laidchencha si kalobbongan un manguis. Ya intullongku bo kalichodwan cha lapatoy gapu si langibyegbyeg-ancha si ugud Apudyus ya katuttuwaan mipanggop kan Jesus. Chicha bo cha achipun lalayaw si hachiʼn kaog-ogyat un ayam ya silan-ayam un issu-issula, ya achipuncha bo impameɏka kicheycha ya imacha si meɏkala. Ked losancha ummuli latagu ya lakaturaycha kan Jesu Kristu si sillibuʼn tawon.