James 5:9 - Lubuagan Kalinga

⁹ Susulud, achi kayu man-asiinguk ta achipun Apudyus chikayu kodchongan. Masapuɏʼn ammuwonyu un chanchali timpu un gumatngala ya manguisala si tagu.

James 5:9 ပူးပေါင်းရင်းမြစ်များ

1 Corinthians 4:5

Ked achi kayu manguis kan cha uchum inggala chumtong chi ustuʼn timpu. Ti siyad uuwayon taku mangulilan Apu takuʼn Jesu Kristu ta siya mangitokweɏ kan cha litataɏu un somsomok ya siya bo mangipakaammu si gegeɏaon chi somsomok. Ked hachi malayawan Apudyus si kacha osaʼn tagu insigun si tuttuwaʼn killingwala.

James 4:11

Susulud, achi kayu man-asilikud. Lu silu mallikud willu mamabyasuɏ si suludla, ked lilikudla ya pilabyasuɏla bo lintog Apudyus un kalala ayatonyu cha uchum. Ngim lu pabyasuɏonyu chi lintog Apudyus, chakampun si tumuttuwa kayu si lintog ngim lambyalin kayu osaʼn mampabyasuɏ.

Matthew 24:33

Isula bo, lu mailayu un makwa cha allaʼn ilugudku, ammuyu un chanchali mangulilak kasin utla pita.

1 Peter 4:9

Ya mallaay kayu otyan un mammangili ya achi kayu uminguk.

Galatians 5:26

Achipun taku malaysayaw ti lappun uchum si ibungala lu achi man-asiillapos ya lawwing un somsomok kan cha uchum.

1 Peter 4:5

Ngim songbyatancha kan Apudyus un lakasagala un manguis kan cha latattagu ya cha latoy.

Galatians 5:14

Ti losan cha lintog Apudyus, silalip-ut chi allayaʼn osaʼn bilin un kalala, “Masapuɏʼn ay-ayatom chi asintatagum un isun chi man-aayatlu si long-eglu.”

1 Corinthians 10:11

Lakwa losan cha kamatchi ta mansampaɏan taku, ked liigilicha bo ta man-achaɏan takuʼn matattagu si sala, ti allà akit un alungus cha losan.

Mark 13:29

Isula bo, lu mailayu un makwa cha allaʼn ilugudku, ammuyu un chancheli mangulilak kasin utla pita.

2 Corinthians 9:7

Ked mangatod otyan chi kacha osa un mampeɏpu si somsomokla. Chakampun un mansigeb chi somsomokla willu mapatut, ti ay-ayaton Apudyus cha mallaay un mangatod.

Mark 6:19

Ot amod chi lanlalawwing Herodias kan John, ked piolaʼn ipaotoy siya. Ngim lappun makwala,

Revelation 3:20

Chongɏonyu! Allaak un sumisiked si sangwalan chi somsomokyu un mangkongkongkong. Ked losan un mangngeɏ kan sakon ya ilukatla somsomokla ked pelokolak, makabibiɏulak ya makakalak kan siya.

James 4:12

Si Apudyus abus chi langwa si lintog ya siya abus chi alla kalintogela un mamabyasuɏ. Siya abus chi alla kilabyelinla un malagu ya manyam-an kan chitaku. Ked lappun pulus kalintogen taku un mamabyasuɏ kan cha asintatagu taku.

James 5:7

Ked chikayuʼn susuludku, masapuɏʼn alusanyu inggala si mangulilan Jesu Kristu. Ilanyu ked cha kauuma un alusancha uwayon chi uchen si man-oskancha si pitacha ya alusancha uwayon chi mamungaan cha immuɏacha asicha ot apiton chi lapotog un bungan chi immuɏacha.

James 5:10

Susulud, somsomkonyu cha propetan Apudyus un ummoy langibyegbyega si ugud Apudyus. Chicha mansampaɏanyu si kilaalus un mangiyattom si losan un ligat.