James 1:3 - Lubuagan Kalinga

³ ti ammuyu un lu maalusanyu ligat gapu si pammatiyu, ked hachi pumigsaan chi kilaattomyu.

James 1:3 ပူးပေါင်းရင်းမြစ်များ

Luke 21:19

Ked ipapatiyu cha pammatiyu, ta matagu kayu kan Apudyus ing-inggala.”

Romans 15:4

Losan un liigili un ugud Apudyus, liigilicha ta maludtuchu kan chitaku ta iyalus taku cha ligat ya masegeg chi somsomok taku ta ipapati taku lamlama taku kan siya.

Romans 2:7

Ngim cha taguʼn mangipapati un mangwa si bibiɏu, michayaw, mapotgen ya makakuwacha si biyeg un mallalayun. Ti chicha mangidchen Apudyus si mallalayun un biyeg.

Romans 8:25

Ngim lu lamlamaon taku achipun taku mitullong, masapuɏʼn alusan taku uuwayon.

Romans 8:28

Ammu taku un cha losan un makmakwa ked kawachin Apudyus para si bumaɏuwan cha mangay-ayat kan siya un chilutukala un mangwa si simsimmokla.

2 Corinthians 4:17

Ti cha allaʼn mallangpaw ya sin-akitan un ligligatmi, ked idchola kan chikami chi chakeɏ ya mallalayun un chayaw un lappun miyisuwala.

Colossians 1:11

Iluwalumi un pakoscheɏon chikayu kan Apudyus si lakaskaschaaw un pallakabyelinla ta maattomanyu, maalusanyu ya lagalas kayu ulay silu makwa kan chikayu.

2 Thessalonians 1:4

Ked hachi mangichayawanmi kan chikayu kan cha losan un mamati kan Apudyus un pin-a manchetchetong si kaili-ili un ayonmi, ti ulay mapampaligatan kayu mipagapu si pammatiyu, ya achu bo cha ligligatyu, alu-alusanyu ya ipapatiyu pammatiyu.

2 Thessalonians 3:5

Sapay otyan ta ichaɏan chi Apu taku somsomokyu ta maawatanyu mipanggop si man-aayat Apudyus ya kilaalus Kristu.

Hebrews 10:36

Masapuɏ un man-alu-alus kayu ta siyad koonyu chi pion Apudyus ked awatonyu cha ingkarila.

Hebrews 12:1

Ked chitaku bo, gapu ta achu-achu taguʼn langalligu kan chitaku un langipaloklok si pammaticha, masapuɏʼn kaalon taku cha losan un sumlod ya cha byasuɏ un langituray kan chitaku. Ked igga taku kabyeeɏan taku un mangwa si simsimmok Apudyus un isun chi osaʼn umoy makatodtodchak si todtodchak.

Hebrews 6:12

Ya achi kayu sumachu-sachut, ngim ha koonyu tuɏachonyu cha lamati ya langan-alusancha, ked ilawatcha ingkarin Apudyus.

1 Peter 1:7

Ti cha achuʼn ligat un mapachasyu, hachi main-an chi katuttuwaan chi pammatiyu. Ulay chi byalituk mayam-an si apuy. Ked ha pammatiyu lapotpotog lu ha byalituk. Ked masapuɏʼn mapaloklokan chi pammatiyu, ta hachi main-an chi katuttuwaala. Ked gapu si tuttuwaʼn pammatiyu, michayaw kayu ya mipangatu kayu si mangulilan Jesu Kristu.

2 Peter 1:6

Achipun umalay cha hachi, masapuɏʼn tingngeɏon cha pion chi long-eg. Ked chog-an taku bo si kilaattom, ked achipun bod umalay chi kilaattom, masapuɏʼn chog-an taku bo si laapudyusan un ugali.