Colossians 4:3 - Lubuagan Kalinga

³ Iluwaluwanyu chikami ta idchon Apudyus chi wayami un mangibyegbyega si ugudla ya mipanggop kan Kristu un chaampun maammuwan inggala si sala. Ti siya gapun chi labyaɏuchek si sala.

Colossians 4:3 ပူးပေါင်းရင်းမြစ်များ

Matthew 13:11

Ot summongbyat si Jesus, “Ti chikayu langidchen Apudyus si wayayuʼn mangagammu si palimod chi mampangatan ud langit. Ngim achipunla impakaammu kan cha uchum un tagu.

Acts 14:27

Gummatongcha pun udchi, chilagupcha cha mamati ot ilug-uggudcha losan un killingwan Apudyus kan chicha ya in-ilon Apudyus un langatod si wayan cha Gentil un lamati kan Jesus.

Romans 16:25

Ked machaychayaw si Apudyus! Ti alla pallakabyelinla un mampakoscheɏ si pammatiyu un tumimbuɏuy si Bibiɏun Chameg un ibyegbyegak mipanggop kan Jesu Kristu. Hachiʼn chameg un litataɏu lalipud si awi, ked sala mipakaammuwala.

1 Corinthians 16:9

Ti ulay achu mallawing kan sakon utla, achu wayak un mantudtuchu ti achu cha meɏyed un manchongeɏ.

1 Corinthians 4:1

Ibilangyu otyan chikamiʼn apostoles un bubùulon Jesu Kristu, ked impiyeɏn Apudyus kan chikami biyang un mangipatigammu si tuttuwaʼn chaampun mipatigammu inggala si sala.

2 Corinthians 2:12

Ha gummatngak ud Troas lambyegbyegaak si Bibiɏuʼn Chameg mipanggop kan Kristu, lasegegak ti liwayaalak kan Apudyus un lambyegbyega udchi.

Ephesians 3:1

Ked sakon si Paul, un labyaɏud gapu si mansimbiyak kan Jesu Kristu kan chikayuʼn Gentil, iluwaluk chikayu kan Apudyus ta matuɏungan kayu.

Ephesians 3:3

Ti achipun lipakaammu mipanggop si lipatiyanyuʼn Gentil kan Apudyus inggala si sala, ngim impakaammun Apudyus kan sakon, ked siya allaʼn insuɏatku kan chikayu si sala.

Ephesians 3:4

Ked lu byasaonyu alla, maammuwanyu man-aawatku si planun Apudyus mipanggop kan Jesu Kristu un achipun lipakaammu.

Ephesians 3:9

Ked ha osaʼn imbyegan Apudyus, ipakaawatku kan cha losan un tagu in-ilon Apudyus un mangipatungpeɏ si planula un achipun lipakaammu. Ti si Apudyus un langwa si losan, achipunla impakaammu hachiʼn planula inggala si sala.

Ephesians 4:1

Ked sakon un libyaɏud gapu si mansimsimbiyak kan Apu Jesu Kristu, ha ibyegak kan chikayu, koonyuʼn makaay-ayu mambibiyegyu kan Apudyus un lamili kan chikayu.

Philippians 1:19

Lagalasalak bo ti ammuk un gapu si luwaluyu ya tuɏung chi Ispiritun Jesu Kristu, mawayawayaalak si allaʼn labyaɏuchek.

Philippians 1:7

Ked ustu lu kamatchi mansosomsomokku kan chikayu, ti lapotog kayu kan sakon. Ti tummuɏutuɏung kayu kan sakon si allaʼn kawachik un impakwan Apudyus kan sakon, inggan chi chamuʼn lalakcheɏak si bibiɏuʼn chameg ya ulay si salaʼn labyaɏuchek.

Colossians 1:26

Litataɏu allaʼn ugudla kan cha achuʼn lolap. Ngim si sala, impakaammula kan chitakuʼn tagula.

Colossians 4:18

Sakon si Paul, imak chi mismuʼn langisuɏat si alla. Kumusta kayu. Otyan ta mallin-awa kayu losan utlat. Achiyu otyan maliwatan un libyabyaɏuchak. Si Apudyus chi kumachegu kan chikayu losan.

1 Thessalonians 5:25

Susulud, iluwaluwanyu yan chikami.

2 Timothy 1:16

Kacheguwan otyan Apudyus cha Onesiphorus un simbyeyan, ti inye-eɏgewla ummaliʼn lalegeg kan sakon. Achipun mabiin ulay lu labyaɏuchak,

2 Timothy 2:9

Gapu si mangibyegbyeg-ak si bibiɏuʼn chameg, mapaligatalak ya labyaɏuchak un isun chi kapapatoy. Ngim achipun makwaʼn matipod chi ugud Apudyus.

2 Timothy 4:2

Ibyegbyegam chi ugud Apudyus. Pasigka lakasagala, bibiɏu man willu lawwik un timpu. Awisom chicha ya omɏam cha mangwa si lawwing ya segagom chicha losan. Masapuɏʼn alusam un mantudtuchu.

Philemon 1:22

Ked osa boʼn ibyegak: Mangiyala kayu si kuwetuʼn inggewak, ti lamlamaok un songbyatan Apudyus cha luwaluyu ked mangulilak kan chikayu.