2 Peter 2:3 - Lubuagan Kalinga

³ Ked gapu si kilaagumcha, sikapancha un mantudtuchu kan chikayu si is-istorya un killingkingwacha ta mangeancha si pilak. Ngim labyeyeg un lakasagala chi machusaancha ya achipun masuyop chi manyam-an kan chicha.

2 Peter 2:3 ပူးပေါင်းရင်းမြစ်များ

Matthew 23:14

“Kadchegu kayu, chikayuʼn Pariseo ya mimistulun chi lintog. Aginpapati kayu! Ti siksikkapanyu cha labyaɏu ta mangkusuwanyu si kukkuwacha. Ked ilanchu-anchuyu bo luwaluyu si sangwalan cha tagu ta matap-ulan cha kokòonyu. Laoy chi gapun chi chumagsolan chi machusaanyu.

Luke 18:8

Ibyegak kan chikayu, kakmala tuɏungan chicha. Ngim Sakon un Alak chi Tagu, lu mangulilak, awed kamman ochesak si mamati kan sakon?”

Luke 20:20

Ot lan-uwaycha si mawayaanchaʼn malokma kan Jesus. Pilasuksukancha cha uchum un leɏaki ot imbuuncha taplu aginchochongeɏcha kan Jesus. Pionchaʼn sikapan si Jesus si im-imuscha ta awed lasuncha un mangichiɏum ya mangipuɏang kan siya si turay ya kalobbongan chi gubillachuɏ.

Luke 22:47

Sissiyan man-ugu-ugud si Jesus, lasalawang cha amod un taguʼn impangpangun Judas, osa kan cha simpuɏu ya chuwaʼn disipulusla. Ummachali kan Jesus ta kikisola.

John 2:16

Imbyegala kan cha mallalaku si kalapati, “Man-itallay kayu kan cha alla! Achiyu mambyalilon lalakkuwan chi byeɏoy Amak!”

Romans 16:18

Ti cha kamatchiʼn tagu, chakampun un mansimbicha kan Apu Jesu Kristu, ngim abus cha pipion chi long-egcha singsingtoncha. Gapu si bibiɏu ya makaay-ayu un man-uugudcha, maallilawcha cha lalaka un maawis chi somsomokcha.

2 Corinthians 2:17

Chakampun un isumi cha uchum un ha mangibyegbyeg-ancha si ugud Apudyus, isun chi laku un mangeancha si pilak. Ngim imbuun chikami kan Apudyus, ipapatimi un man-ugud si sangwalanla, un isun chi mansimbi kan Kristu.

1 Thessalonians 2:5

Ammuyu un chakampun un ummali kami man-eɏ-eɏlug si langibyegbyeg-anmi, ya chakampun bo un mambyegbyega kami ta maleinmi si kilaagummi. Ammun Apudyus un tuttuwa cha allaʼn insuɏatku!

1 Thessalonians 5:3

Lu gumatong chi timpuʼn mangibyeg-an cha tagu un mallin-awacha ya lappun manchalagencha, hachi magalatongan chi machusaancha. Ked isun chi sigeb chi umalak un byebyai. Ked achipuncha malisiyan chi machusaancha.

1 Timothy 3:3

Achipun kabubuuk ya kagugulu, ngim laalus, achipun makasubosubog ya achipun maagum si pilak.

1 Timothy 3:8

Isula bo kan cha diakono, masapuɏʼn potgon cha tagu ya miyun-un-un chi man-uugudcha. Achipuncha kabubuuk ya achipuncha maagum si pilak.

1 Timothy 6:5

Ya pasig susubog cha pin-acha koon kan cha taguʼn liluus lummawing chi somsomokcha ya laliwatancha katuttuwaan. Ti ha somsomokcha mipanggop si pammati, ked siya bumaklangancha.

Titus 1:11

Masapuɏʼn pagingkom chicha ti pepewingoncha cha mabyebyeyan mipagapu si itudtuchuchaʼn adchayuwan si katuttuwaan pigagey lu awed mangeancha si pilak.

Titus 1:7

Ha pallakayon masapuɏʼn lappun machillawala ti siya piliyeɏn Apudyus un mangichaychaɏan kan cha mamati. Achipun leɏastug willu mallasu sangala willu kabubuuk willu kagugulu willu maagum.

1 Peter 2:8

Ked ha osa boʼn liigili, kalala, “Liya byetuʼn misabyangtuwan cha tagu, ya siya bo milus-ubyencha.” Misabyangtucha ti achipuncha tumuttuwa si ugud Apudyus, un siya likodchong un kooncha.

1 Peter 5:2

Masapuɏʼn ayyuwalanyu cha mamati un lipiyeɏ kan chikayu un isun chi keɏlilun Apudyus. Koonyu biyangyu, chakampun otyan un mapatut kayu ngim gapu si ayatyu. Chakampun otyan un gapu si agum chi pilak, ngim gapu ta pionyuʼn mansimbi kan Apudyus.

2 Peter 1:16

Ti cha impakaammumi kan chikayu mipanggop si pallakabyelin Apu takuʼn Jesu Kristu ya mangulilala kasin, chakampun un langlangwa kami si is-istorya, ti mismuʼn illiilan cha atami lummangɏangan chi kila-Apudyusla.

2 Peter 2:1

Ked illinggew bo cha silan-propeta un lummoswa ud Israel. Ked kamatchi bo si sala, ti lummoswa cha uchum un aginsusuɏu kan chikayu un itudtuchucha mayam-alan ya chakampun si katuttuwaan. Ked achipuncha awaton si Jesu Kristu un man-Apucha ulay siya lansaka kan chitaku, ked hachi mipatiyancha si magalatong un machusaancha.

2 Peter 2:9

Ked ammun Apudyus chi in-ilolaʼn maleɏaklib kan cha mamati un mapaligatan, ya ammula boʼn byentayan cha taguʼn achipun mamati inggala si umaliʼn eɏgew un manguisala ta machusacha,

Jude 1:11

Kadchegu cha allaʼn tagu! Ti tiluɏedcha killingwan Cain. Ked gapu si kilaagumcha si pilak, bilay-ancha un ichaɏan chicha si lawwing un angwat un isun Balaam. Ya tiluɏedcha bo byasuɏn Korah un achipunla tiluttuwa si Moses, ked machuchusacha un isun Korah.

Jude 1:15

Ta kuisola cha losan ya chusaola cha malagbyasuɏ un lappun Apudyuscha gapu kan cha losan un lawwing un killingwacha ya cha losan un kilokobot un imbyegacha si laluplingancha kan siya.”

Jude 1:16

Cha allaʼn tagu, pasigcha umingu-inguk ya lappun mat-opancha. Ya siyad pin-acha koon cha byaɏanglaʼn lawwing un pipion chi long-egcha. Isaysayawcha long-egcha ya pin-acha soysoygen cha tagu taplu makwaʼn eɏancha pioncha.

Jude 1:4

Ti achipunyu mailasilan un allat cha aginsusuɏu un litipug kan chikayu un lappun somsomokcha kan Apudyus. Ti paspasantancha katuttuwaan mipanggop si kachegun Apudyus. Us-useɏoncha ugud Apudyus un maleincha si kokòoncha un lawwing. Achipuncha bigbigon si Jesu Kristu un ossaan un Mistulu ya Apu taku. Ha machusaancha labyeyeg un impakaammun chi liigili un ugud Apudyus si awi.

Jude 1:7

Somsomkonyuʼd Sodom ya Gomorrah ya cha lampalikwos un ili. Lakabyasuɏcha si chegchegas ya siyad pin-acha kingwa pipion chi long-egcha. Ked laklak-amoncha chusan Apudyus kan chicha un mallalayun un apuy un gumilgillaub un achipun maksop. Liya otyan chi mansampaɏan taku.