2 Peter 1:3 - Lubuagan Kalinga

³ Gapu si pallakabyelin Apudyus, illidchola kan chitaku cha losan un kasapuɏan taku ta suɏuton taku laapudyusan un kabibiyeg. Makwaʼn suɏuton taku ti ammu taku siya un langayeg kan chitaku gapu si mismuʼn kilachayawla ya kilabiɏula.

2 Peter 1:3 ပူးပေါင်းရင်းမြစ်များ

Matthew 28:18

Ot ummachali si Jesus kan chicha ot kalala, “Laatod kan sakon cha losan un kalobbongan ud langit ya utla pita.

Romans 8:32

Achipun Apudyus gilagaan chi mismuʼn alakla, ngim inchuyala siya para kan chitaku losan. Lu inchuyala Alakla kan chitaku, ha magaga kamman un mangatod si losan kan chitaku? Achipun!

Romans 9:24

Ked chitakuʼn chilutukala, chakampun un abus cha Judio ngim ulay cha Gentil.

1 Corinthians 1:9

Mantegochen si Apudyus un lanchutuk kan chikayu un makatimpuyug kan Alaklaʼn Jesu Kristu un Apu taku.

2 Corinthians 12:9

Ngim ha insongbyatla kan sakon, kalala, “Umalay chi kacheguk kan sika un mangiyalus si halat un ligatlu. Ta siyad mangiklaam si kilabyelinku kumapsutam.” Ked amod chi galasku un mangipasweɏ si kilakapsutku ta magiklak chi kilabyelin Kristu kan sakon.

Ephesians 4:1

Ked sakon un libyaɏud gapu si mansimsimbiyak kan Apu Jesu Kristu, ha ibyegak kan chikayu, koonyuʼn makaay-ayu mambibiyegyu kan Apudyus un lamili kan chikayu.

Ephesians 4:4

Ossaan taku un long-eg Jesus, ya ossaan bo Ispiritun Apudyus un inggew kan chitaku. Ossaan bo lamlama un awaton taku si umaliʼn eɏgew gapu si lamiliyan Apudyus kan chitaku.

Philippians 3:8

Ya chakampun un abus cha hachi, ngim imbilangku bo chicha losan un lappun simbila gapu ta laammuwak si Jesu Kristu un Apuk. Hachi lapotpotog! Ked mipagapu kan siya, tilelak losan cha hachi ot imbilangkuʼn kaisaw losan cha lapotog kan sakon si sin-eɏgew, taplu ammuwok un ustu-ustu si Kristu

Philippians 4:8

Ha alungus chi allaʼn isuɏatku kan chikayuʼn susulud, siyad isosomokyu cha tuttuwa, lapotog, ustu, mampeɏkas, latagop, machayaw ya cha kabiɏuwan. Ya ulay cha uchum un bibiɏu ya mampabiɏu si somsomok.

Colossians 1:16

Ti mipagapu kan siya, killingwan Apudyus cha losan un awed ud langit ya utla pita, cha maila kan achipun maila, pati cha papangat ya cha turay, ya cha alla kalobbongancha. Lakwa cha losan mipagapu kan siya ya para si michayawala.

1 Thessalonians 2:12

Silegegmi chikayu ya pilakoscheɏmi somsomokyu ya imbilibilinmi kan chikayu un masapuɏʼn umulud kayu si mambibiyeg un lumbong si tagun Apudyus, ti siya mangayeg kan chikayu taplu mipati kayu si mampangatala ya milak-am kayu si kilachayawla.

1 Thessalonians 4:7

Ti ha langayagen Apudyus kan chitaku, chakampun un koon taku cha kaisaw ngim umulud taku si mambibiyeg un mampeɏkas.

2 Thessalonians 2:14

Ilayagen Apudyus chikayu ta matatagu kayu mipagapu si bibiɏuʼn chameg un imbyegbyegami kan chikayu taplu makabingay kayu si langɏang chi kila-Apudyus Jesu Kristu.

1 Timothy 4:8

Alla simbin chi mampakoscheɏan taku si long-eg takuʼn mangwa kan cha koon, ngim simbumaɏu lu pakoscheɏon taku laapudyusan un palagsimbi kan Apudyus, ti likari si salaʼn biyeg taku ya biyeg taku si umaliʼn eɏgew.

2 Timothy 1:9

Ya tilagula chitaku losan ya pililiyala chitaku un mantagula, chakampun un gapu si killingwa taku, ngim gapu si panggopla ya kachegula. Illidchola kan chitaku allaʼn kachegula mipagapu kan Jesu Kristu si chaampun chi lubung makwaan.

Hebrews 1:3

Ked siya mangitullongan taku si kilabiɏun Apudyus ya siya issu-issun chi kila-Apudyus Apudyus. Ya siya mangipatpatuɏuy kan cha losan gapu si mallakabyelin un ugudla. Gilamputla ked killingwa machuɏsan cha tagu si byasuɏcha, langulin ud langit ot ummamuy si machuwalan un makaturay kan Apudyus un kangatuwan.

1 Peter 1:15

Ngim si sala, laapudyusan kayu otyan si losan un koonyu, un isun Apudyus un lappun byasuɏla un langayeg kan chikayu.

1 Peter 1:5

Gapu si pammati, ayyuwalan Apudyus chikayu si pallakabyelinla inggala chumtong chi malaguwala kan chitaku un lisagala un mipaila si alungus chi timpu.

1 Peter 2:21

Ti hachi langayagen Apudyus kan chikayu, gapu ta lapaligatan si Kristu gapu kan chikayu ked tilelala mantuɏachenyu ta suɏutonyu biyeg Kristu.

1 Peter 2:9

Ngim chikayu pililiyan Apudyus un tagula ya papachiʼn chi Ari un mansimbi kan siya. Ya chikayu laapudyusan un tagula, mismuʼn tagun Apudyus, ti chikayu mangibyegbyega si lakaskaschaaw un killingwala. Illawala chikayu si gikbot ot inyatunla chikayu si lakaskaschaaw un padchala.

1 Peter 3:9

Lu awed mangwa si lawwing kan chikayu, achiyu subyalitan si lawwing. Lu awed man-ugud si lawwing, achiyu bo songbyatan si lawwing. Ngim ha koonyu iluwaluyu ta binchisyulan Apudyus chicha ti hachi langayagen Apudyus kan chikayu, taplu makatawid kayu si binchisyun.

1 Peter 5:10

Ngim lu lagamput chi sin-akitan un malligatanyu, si Apudyus un meɏpuwan cha losan un kachegu, siya langayeg kan chikayu un mipati si mallalayun un machayawala gapu si litimpuyugenyu kan Kristu. Pakoscheɏonyu pammatiyu, pabiɏuwonyu somsomokyu ya pumingot kayu.

2 Peter 1:10

Ked, susulud, ipapati taku un mangwa si pion Apudyus ta mapaloklokan chi langayagela kan chitaku. Ta lu koon taku cha hachi, achipun taku miɏus-ub si pammati taku.

2 Peter 1:2

Sapay otyan ta umad-achu mapachasyu un kachegu ya lumin-awa somsomokyu gapu si mangammuwanyu kan Apudyus ya si Jesus un Apu taku.

2 Peter 1:5

Ked gapu si alla, iggayu kabyeeɏanyu ta chog-anyu kilabiɏun chi pammatiɏu si bibiɏuʼn ugali. Masapuɏʼn chog-anyu bibiɏuʼn ugali si maligammuwanyu si ustu.

2 Peter 1:6

Achipun umalay cha hachi, masapuɏʼn tingngeɏon cha pion chi long-eg. Ked chog-an taku bo si kilaattom, ked achipun bod umalay chi kilaattom, masapuɏʼn chog-an taku bo si laapudyusan un ugali.

2 Peter 1:8

Ti lu wechewed cha alla kan chitaku, kumoskoscheɏ ya umachu ibungan chi lamatiyan taku kan Apu Jesu Kristu.

2 Peter 2:20

Maseɏaklibyen cha tagu si kilalawwing chi lubung gapu si mangammuwancha kan Jesu Kristu un Apu ya Malagu kan chitaku. Ngim lu uliloncha bo kasin cha sigud un killingwacha, sin-umamod chi kilalawwing chi kasasaedcha lu ha chamchamu.

2 Peter 3:18

Ngim chumakeɏ kayu si kachegu ya pallakaammu kan Jesu Kristu un Apu taku ya Malagu kan chitaku. Ipangatu ya ichaychayaw taku si Kristu, si sala ya si ing-inggala! Amen.