1 Peter 4:3 - Lubuagan Kalinga

³ Masapuɏ un achipunyu koon cha pin-ayu killingwa si sin-eɏgew un pipion cha Gentil un koon. Isun chi makachegchegas, sigud un pipion chi long-eg, kabubuuk, mallukuluku, leɏabos un ganggalas, ya kabibiin un malayawan si silan-apudyus.

1 Peter 4:3 ပူးပေါင်းရင်းမြစ်များ

Mark 7:22

agum, kilalawwing, silisikap, apos, mangkiyakiyap, lilalastug ya uchum un liluluku.

Acts 17:30

Pileɏaus Apudyus cha timpu un lappun tagammun cha tagu kan siya. Ngim si sala, imbilinla kan cha losan un tagu ta mambyabyawicha kan cha byasuɏcha.

Romans 13:13

Ipupuut takuʼn mangwa si ustu un isun cha taguʼn lasilawan chi somsomokcha. Ked achi taku otyan kabubuuk, ya achi taku bo makachegchegas, ya achi taku mangwa si tilitingang, ya man-asilawwing ya man-iillapos.

1 Corinthians 12:2

Ti ammuyu mit un ha chaampunyu mamatiyan, latuntulliyan kayu ti chilaychayawyu cha hachiʼn silan-apudyus un lappun angoscha, ked laawis kayu kan chicha.

1 Corinthians 6:11

Ked kamatchi ugalin cha uchum kan chikayu si sin-eɏgew. Ngim si sala, lachuɏsan kayu kan cha losan un byasuɏyu, ya pileɏkas Apudyus chikayu un mantagula, ked gapu si killingwan Apu Jesu Kristu ya pallakabyelin chi Ispiritun Apudyus, mibilang kayu lappun byasuɏla kan Apudyus.

2 Corinthians 12:21

Machalagelak lu umaliyak kasin, mabiilak kan Apudyus si sangwalanyu lu ochesak chikayu. Machalagelak lu manchachauyak gapu kan cha losan un lakabyasuɏ si lummaus un eɏgew ya achipuncha lambyabyawi si lawwing un kokkooncha ya lakachegchegascha ya cha losan un lawwing un pipion chi long-eg.

Galatians 5:19

Patunged mampapattak chi pion chi long-eg un lisisigud si tagu, ti ha piola, isuyopla chakampun si asawala ya koola cha losan un kilalawwing,

Galatians 5:21

ti awed chi apos. Ya ulay bo bilubuuk ya liluluku ya uchum un lawwing. Imbyegabyegak kan chikayu ngim ikasinku bo ibyega un lu silu pin-a mangwa si kamatchi, achipun mipati si Mampangatan Apudyus.

Ephesians 5:18

Achiyu ipalubus un mabuuk kayu, ti yumam-an cha kamatchi. Ngim ha koonyu, ipalubusyu Ispiritun Apudyus un mangituray kan chikayu.

1 Thessalonians 4:5

Chakampun otyan un cha kilagatkat un pion chi long-egyu mangichaɏan kan chikayu un isun chi kokòon cha taguʼn achipun mangagammu kan Apudyus.

Titus 3:3

Ti ulay chitaku si sin-eɏgew, lasukin taku, achipun taku tumuttuwa, laallilaw taku, lansimbi taku si lawwing un pion chi long-eg ya lagalason taku cha lawwing. Ya ileɏgew un lawwing ya ilaapos cha awed kan chitaku ya man-asisanga taku.

1 Peter 1:14

Aalak chikayu kan Apudyus, ked masapuɏʼn tuttuwaonyu siya. Ked achiyu ipalubus chi long-egyu un iturayan cha lawwing un sigud un pipionyu si chaampunyu mangagammuwan si katuttuwaan.

Jude 1:4

Ti achipunyu mailasilan un allat cha aginsusuɏu un litipug kan chikayu un lappun somsomokcha kan Apudyus. Ti paspasantancha katuttuwaan mipanggop si kachegun Apudyus. Us-useɏoncha ugud Apudyus un maleincha si kokòoncha un lawwing. Achipuncha bigbigon si Jesu Kristu un ossaan un Mistulu ya Apu taku. Ha machusaancha labyeyeg un impakaammun chi liigili un ugud Apudyus si awi.